ரஜினி நடிப்பில் தற்போது ‘ஜெயிலர்’ படம் உருவாகி வருகிறது. நெல்சன் திலீப்குமார் இயக்கத்தில் தயாராகி வரும் இதன் படப்பிடிப்பு தற்போது மும்முரமாக நடந்து வருகிறது. இதனிடையில் தனது மகள் ஐஸ்வர்யா இயக்கும் படமான லால் சலாமில் கெஸ்ட் ரோலில் நடித்து வருகிறார். இந்நிலையில் இந்தப்படம் குறித்து வெளியாகியுள்ள தகவல் சோஷியல் மீடியாவில் வைரலாகி வருகிறது.
ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
ரஜினி நடிப்பில் கடைசியாக ‘அண்ணாத்த’ படம் வெளியானது. சிறுத்தை சிவா இயக்கத்தில் ரிலீசான இந்தப்படம் சுமாரான வரவேற்பையே பெற்றது. இதனையடுத்து நெல்சன் இயக்கத்தில் ஜெயிலரில் நடிக்க கமிட் ஆனார் ரஜினி. கோலமாவு கோகிலா, டாக்டர் போன்ற டார்க் காமெடி படங்களை இயக்கிய நெல்சன் இயக்கத்தில் தற்போது ‘ஜெயிலர்’ உருவாகி வருகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்படத்தில் ரஜினியுடன் தமன்னா, ரம்யா கிருஷ்ணன், வசந்த் ரவி, விநாயகன், யோகி பாபு உள்ளிட்டோர் நடித்து வருகின்றனர். இவர்களை தவிர பிரபல மலையாள நடிகர் மோகன்லால், கன்னட சூப்பர் ஸ்டார் சிவராஜ்குமார், பாலிவுட் நடிகர் ஜாக்கி ஷெரப் மற்றும் தெலுங்கு நடிகர் சுனில் உள்ளிட்ட பல மொழிகளை சேர்ந்த பிரபலங்கள் இந்தப்படத்தில் நடித்து வருகின்றனர்.
இதனிடையில் லைகா தயாரிப்பில் தனது மகள் ஐஸ்வர்யா இயக்கும் ‘லால் சலாம்’ படத்தில் கெஸ்ட் ரோலில் நடிக்கிறார் ரஜினிகாந்த். விஷ்ணு விஷால், விக்ராந்த் முதன்மை கதாபாத்திரத்தில் நடிக்கும் இந்தப்படத்திற்கு இசைப்புயல் ஏ.ஆர். ரஹ்மான் இசையமைக்கிறார். இதன் முதல்கட்ட படப்பிடிப்பு அண்மையில் நிறைவடைந்ததை தொடர்ந்து இரண்டாம் கட்ட படப்பிடிப்பு விரைவில் துவங்கவுள்ளது.
Leo: ‘லியோ’ படம் குறித்து வெளியான செம்ம மாஸ் தகவல்: தரமான சம்பவம் லோடிங்.!
இந்நிலையில் இந்தப்படம் குறித்து பேசியுள்ள வலைப்பேச்சு அந்தணன், இதுவரை படமாக்கப்பட்டுள்ள லால் சலாமை ஐஸ்வர்யா தனது அப்பா ரஜினிக்கு போட்டு காண்பித்தாராம். அதனை பார்த்து ரஜினி, படம் அற்புதமாக வந்துள்ளதாக மகள் ஐஸ்வர்யாவை பாராட்டி தள்ளியுள்ளாராம். இதனால் ஐஸ்வர்யாவும் சந்தோஷத்தில் துள்ளி குதித்துள்ளாராம். இந்த தகவலை அந்தணன் பகிர்ந்துள்ளதை தொடர்ந்து ரசிகர்கள் குஷியாகியுள்ளனர்.
PS 2: ‘பொன்னியின் செல்வன் 2’ ரிலீசில் திடீர் மாற்றம்: ரசிகர்கள் அதிர்ச்சி..!