ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
வசூல் மன்னன்தமிழ் சினிமாவில் படத்திற்கு படம் வசூல் சாதனை செய்து வசூல் மன்னனாக வலம் வருகின்றார் தளபதி விஜய். இவரின் படங்கள் விமர்சனங்களுக்கு அப்பாற்பட்டு வசூலில் சாதனை படைத்தது வருகின்றது. கடைசியாக இவரது நடிப்பில் வெளியான பீஸ்ட் மற்றும் வாரிசு ஆகிய திரைப்படங்கள் என்னதான் கலவையான விமர்சனங்களை பெற்றாலும் வசூல் ரீதியாக மிகப்பெரிய வெற்றிப்படமாக அமைந்தன. இதன் காரணமாகவே விஜய்யின் சம்பளமும் படத்திற்கு படம் உயர்ந்து வருகின்றது. வாரிசு படத்திற்காக 125 கோடியை சம்பளமாக பெற்ற விஜய் லியோ
படத்திற்காக அதற்கும் அதிகமான சம்பளத்தை பெறுகின்றார் என்று ஒரு தகவல் வெளியாகியுள்ளது
லியோவாரிசு படத்தை தொடர்ந்து தற்போது விஜய் லோகேஷ் கனகராஜின் இயக்கத்தில் லியோ படத்தில் நடித்து வருகின்றார். மாஸ்டர் படத்திற்கு பிறகு இக்கூட்டணி மீண்டும் இணைந்துள்ளதால் ரசிகர்கள் மத்தியில் இப்படத்திற்கு மிகப்பெரிய எதிர்பார்ப்பு இருந்து வருகின்றது. விஜய்யுடன் இப்படத்தில் த்ரிஷா பல ஆண்டுகளுக்கு பிறகு நடிக்கின்றார். மேலும் சஞ்சய் தத், அர்ஜுன் , மன்சூர் அலிகான், கௌதம் மேனன், மிஸ்கின் என மிகப்பெரிய நட்சத்திர பட்டாளமே இப்படத்தில் நடித்து வருகின்றனர். தற்போது இப்படத்தின் அடுத்தகட்ட படப்பிடிப்பு சென்னையில் அமைந்திருக்கும் பிரசாத் ஸ்டுடியோவில் மிகப்பிரமாண்டமான செட்டில் படமாக்கப்பட்டு வருகின்றது
திட்டம்விக்ரம் என்ற மாபெரும் வெற்றிக்கு பிறகு லோகேஷ் விஜய்யுடன் லியோ படத்தின் மூலம் மீண்டும் இணைந்துள்ளார். மேலும் மாஸ்டர் படத்தில் விஜய்க்காக சில கமர்ஷியல் அம்சங்களை இணைத்திருந்த லோகேஷ் இம்முறை முழுக்க முழுக்க தன் ஸ்டைலில் லியோ படத்தை உருவாக்கி வருகின்றார். இதன் காரணமாகவே இப்படத்திற்கு கூடுதல் எதிர்பார்ப்பு இருந்து வருகின்றது. ஒட்டுமொத்த இந்திய சினிமாவே எதிர்பார்த்து காத்திருக்கும் இப்படம் மிகப்பெரிய வசூல் சாதனையை நிகழ்த்தும் என எதிர்பார்க்கப்படுகின்றது. லியோ படத்தின் மூலம் ஆயிரம் கோடி வசூல் சாதனையை எட்ட படக்குழு திட்டமிட்டுள்ளது.
விஜய்யின் ஆசைஇந்நிலையில் விஜய்யுடன் பல படங்களில் ஒளிப்பதிவாளராக பணியாற்றிய விஜய் மில்டன் விஜய்யின் ஆசை பற்றி பேசியுள்ளார். விஜய்யுடன் ப்ரியமுடன் என்ற படத்தில் ஒளிப்பதிவாளராக பணியாற்றிய விஜய் மில்டன் விஜய்யுடன் நெருங்கி பழகியுள்ளார். அந்த சமயத்தில் ஒருமுறை விஜய் 2000 ஆம் ஆண்டிற்கு பிறகு நடிக்கப்போவதில்லை என்றும், இயக்குனராக ஆகவேண்டும் என்பது தான் தன் ஆசை என்றும் விஜய் மில்டனிடன் கூறியுள்ளார் தளபதி. இது விஜய் மில்டன் உட்பட ரசிகர்களுக்கும் அதிர்ச்சியான விஷயமாக இருந்தது. ஆனால் விஜய் 2000 ஆண்டிற்கு பிறகும் நடிப்பிலேயே கவனம் செலுத்தி வருகின்றார். இதைத்தொடர்ந்து இன்னும் சில பேட்டிகளிலும் விஜய் தனக்கு இயக்குனராகவேண்டும் என்பது தான் ஆசை என கூறியுள்ளார் என்பது குறிப்பிடத்தக்கது