அனுஷ்கா நடித்துள்ள ‛மிஸ் ஷெட்டி மிஸ்டர் பாலி ஷெட்டி' படத்தின் டீசர் ரிலீஸ்
சில வருட இடைவெளிக்கு பிறகு தற்போது தெலுங்கில் ‛மிஸ் ஷெட்டி மிஸ்டர் பாலி ஷெட்டி' என்ற படத்தில் நடித்து வருகிறார் அனுஷ்கா. இப்படத்தில் அவருக்கு ஜோடியாக ஜாதி ரத்னாலு என்ற தெலுங்கு படத்தின் மூலம் பிரபலமான நவீன் பாலி ஷெட்டி நடித்து வருகிறார். இப்படத்தின் டீசர் நேற்று ஸ்ரீநிதி என்ற பொறியியல் கல்லூரி மாணவர்கள் மத்தியில் வெளியிடப்பட்டுள்ளது.
இந்த டீசரில் ரவளி என்ற சமையல்காரரும், சித்து என்ற நகைச்சுவை நடிகரும் சந்தித்து கொள்ளும் காட்சிகள் இடம்பெற்றுள்ளது. இதில் ரவளியாக அனுஷ்காவும், சித்துவாக நவின் பாலி ஷெட்டியும் நடித்துள்ளார்கள். யூ.வி.கிரியேஷன்ஸ் தயாரிக்கும் இந்த படத்தை பி.மகேஷ்பாபு இயக்குகிறார். நகைச்சுவை கலந்த கதையில் உருவாகி இருக்கும் இந்த படத்தின் ரிலீஸ் தேதி விரைவில் அறிவிக்கப்பட உள்ளது.