ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
தமிழ் சினிமாவில் தன்னம்பிக்கைக்கு பெயர்போன நடிகரான அஜித் இன்று தன் 52 ஆவது வயதை கடந்துள்ளார். ரசிகர்கள் மற்றும் திரைபிரபலங்கள் அவரது பிறந்தநாளை திருவிழா போல கொண்டாடி வருகின்றனர். உழைப்பிலார் தினத்தன்று பிறந்த கடின உழைப்பாளி என்பது போன்ற பல வாசகங்களை கொண்டு அஜித்திற்கு வாழ்த்துக்களை கூறி வருகின்றனர் ரசிகர்கள்.
தற்போது நேபாள் பகுதியில் பைக்கில் சுற்றுலா சென்றுள்ள அஜித் விரைவில் விடாமுயற்சி படத்தின் படப்பிடிப்பில் இணையவுள்ளார். துணிவு படத்தின் வெற்றிக்கு பிறகு அஜித் தன் 62 ஆவது திரைப்படத்தை விக்னேஷ் ஷிவனின் இயக்கத்தில் நடிக்க இருந்தார். ஆனால் சில பல காரணங்களால் இப்படத்திலிருந்து விக்னேஷ் சிவனை நீக்கிவிட்டு மகிழ் திருமேனியை இயக்குனராக ஒப்பந்தம் செய்தனர் படக்குழுவினர்.
Leo: லியோ படத்தை பற்றி பிரபல நடிகர் கூறிய தகவல்..உச்சகட்ட ஏமாற்றத்தில் ரசிகர்கள்..!
இந்நிலையில் கடந்த ஐந்து மாதங்களாக AK62 படத்தின் அதிகாரபூர்வ அறிவிப்பிற்காக காத்துக்கொண்டிருந்த ரசிகர்களுக்கு தற்போது அஜித்தின் பிறந்தநாளை முன்னிட்டு டபுள் ட்ரீட் கிடைத்துள்ளது. AK62 அறிவிப்புடன் படத்தின் டைட்டிலும் வெளியாகியுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
விடாமுயற்சி என AK62 படத்திற்கு பெயரிடப்பட்டுள்ளது கலவையான விமர்சனங்களை பெற்று வருகின்றது. இருந்தாலும் இந்த டைட்டில் அஜித்திற்கு ஏற்றவாறு இருப்பதாகவும் சிலர் கருத்து தெரிவித்து வருகின்றனர். டைட்டில் என்னவாக இருந்தால் என்ன படம் தரமாக இருந்தால் போதும் என்பதே அஜித் ரசிகர்களின் எண்ணமாக இருக்கின்றது.
இதையடுத்து அனிருத் இசையமைக்கும் இப்படத்தின் நடிகர்கள் தேர்வு தற்போது விறுவிறுப்பாக நடைபெற்று வருகின்றது. இதைத்தொடர்ந்து விடாமுயற்சி படத்தின் படப்பிடிப்பு மே மாதம் இறுதியில் துவங்கும் என்றும், அடுத்தாண்டு ஏப்ரல் மாதம் இப்படம் திரையில் வெளியாகும் என்றும் தெரிகின்றது.
இந்நிலையில் தற்போது அஜித் நேபாள் பகுதியில் பைக்கில் சுற்றுலா சென்றுள்ளார். அங்கு அவருடன் ரசிகர்கள் புகைப்படங்கள் எடுத்து வருவது சோஷியல் மீடியாவில் வைரலாகி வருகின்றது. அஜித்தும் ஜாலியாக ரசிகர்களுடன் உரையாடி அவர்களுடன் புகைப்படம் எடுத்து வருகின்றார். இதைத்தொடர்ந்து தற்போது அஜித்தின் லேட்டஸ்ட் புகைப்படம் ஒன்று வெளியாகி ரசிகர்களை அதிர்ச்சியாகியுள்ளது.
அதாவது நேபாளத்தில் பைக்கில் சுற்றுலா சென்றுள்ள அஜித் ஒரு ரோட்டில் ஓரமாக படுத்து உறங்கியுள்ளார். இந்த புகைப்படம் தான் தற்போது இணையத்தில் செம வைரலாகி வருகின்றது. ஒரு உச்ச நட்சத்திரமான அஜித் இவ்வளவு எளிமையாக இருப்பது பார்ப்போரை வெகுவாக ஈர்த்துள்ளது.
அஜித்
தன் பிறந்தநாளை உலகம் முழுவதும் இருக்கும் ரசிகர்கள் மற்றும் திரைபிரபலங்கள் கொண்டாடி வரும் நிலையில் அஜித் இவ்வாறு எளிமையாக இருப்பதை ரசிகர்கள் பாராட்டி வருகின்றார் என்பது குறிப்பிடத்தக்கது.