ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
உலகளவில் AI Technology அசுரர் வேகத்தில் வளர்ச்சி அடைந்துள்ளது. பல முன்னணி டெக்னாலஜி நிறுவனங்கள் AI தொழில்நுட்பத்தில் ஆதிக்கம் செலுத்த பல மில்லியன் பணம் செலவழித்து வேலை செய்துவருகின்றன. அதில் உலகில் முன்னணி டெக்னாலஜி நிறுவனங்களில் ஒன்றாக இருக்கும் Google நிறுவனத்தின் இருந்து விலகுவதாக AI டெக்னாஜி கடவுள் என்று அழைக்கப்படும் Geoffrey Hinton அறிவித்துள்ளார்.
கூகுள் நிறுவனத்தில் இருந்து விலகிய அவர் தெரிவித்த காரணம் மிகவும் அதிர்ச்சிகரமான தகவலாக உள்ளது. செயற்கை நுண்ணறிவு எதிர்காலத்தில் மனிதர்களுக்கு ஆபத்து விளைவிக்கும் என்றும் அதன் காரணமாக இப்போதே அதன் ஆராய்ச்சியில் இருந்து விலகுவதாகவும் தெரிவித்துள்ளார்.
OpenAI நிறுவனம் Microsoft நிறுவனத்துடன் இணைந்து ChatGPT உருவாக்கியுள்ளது. இதற்கு போட்டியாக Google நிறுவனம் Bard என்ற AI டெக்னாலஜி கருவியை உருவாக்கியுள்ளது. இதற்கு Google நிறுவனத்தின் ஆராய்ச்சியில் Geoffrey Hinton உதவி செய்துவந்தார்.
Jio VR Headset இந்தியாவில் வெளியீடு! ஐபில் 2023 போட்டிகளை 360 டிகிரி கோணத்தில் பார்க்கலாம்!
தான் AI தொழில்நுட்பத்தை கண்டுபிடிக்கவில்லை என்றாலும் வேறு யாராவது ஒருவர் AI டெக்னாலஜி கண்டுபிடித்திருப்பார் என்று அவர் கூறியுள்ளார். மனிதர்களுக்கும் சமூகத்திற்கும் இதனால் பெரிய ஆபத்து உள்ளது என்று கூறியுள்ளார். அவர் கூறுவது போல என்ன ஆபத்து உள்ளது என்பது பற்றி இந்த பதிவில் காணலாம்.
பொய்யான தகவல்கள்
AI தொழில்நுட்பம் வளர்ச்சி அடைந்தால் நிச்சயம் உலகில் பொய்யான தகவல்கள் மற்றும் பொய் பரப்புரை செய்யப்படும். அதிலும் எதிர்காலத்தில் உண்மை தகவல் எது பொய்யான தகவல் எது என்பதை கண்டுபிடிப்பது கூட மிகவும் சிரமமாக இருக்கும் என்று அவர் தெரிவித்துள்ளார்.
வேலை வாய்ப்பு பறிபோகும்
இப்போதே IBM போன்ற மிகப்பெரிய நிறுவனங்களில் மனிதர்களுக்கு பதிலாக AI பயன்படுத்த தொடங்கிவிட்டார்கள். இதேபோல மனிதர்கள் செய்யும் வேலையே செய்ய ஆரம்பித்துவிட்டால் நிச்சயம் நிறுவனங்கள் AI தொழில்நுட்பத்தை பயன்படுத்த தொடங்கிவிடும்.
Google Pixel 7a மே 11 அன்று இந்தியாவில் வெளியாகும்! பிளிப்கார்ட்டில் விற்பனை!
மனிதர்கள் கட்டுப்பாடு
மிகப்பெரிய ஆபத்தாக மாறப்போவது செயற்கை நுண்ணறிவு கருவிகள் ஒரு கட்டத்தில் மனிதர்களின் கட்டுப்பாட்டை மீறி சென்றுவிடும். இதனால் அவை மனிதர்கள் பேச்சை கேட்காமல் தானாகவே இயங்க ஆரம்பித்துவிடும்.
அடுத்த 5 ஆண்டுகள் மிகவும் முக்கியம்
கடந்த ஐந்து ஆண்டுகளை ஒப்பீடு செய்யும்போது இப்போது AI மிகப்பெரிய அளவு வளர்ச்சி அடைந்துள்ளது. இதை அடுத்த ஐந்து ஆண்டுகள் என்று எடுத்துக்கொண்டால் மிகவும் பயமாக உள்ளது என்று Geoffrey Hinton தெரிவித்துள்ளார். AI தொழிநுட்பம் உருவாக்க காரணமாக இருந்தவரே இவ்வாறு அதிர்ச்சி தகவல் கூறியுள்ளதால் உலகளவில் மக்கள் பெரும் பயத்தில் உள்ளார்கள். ஆனாலும் மனிதர்கள் கட்டுப்பாட்டில் இல்லாத உலகம் ஆபத்தானதாக இருக்கும்.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்