தமிழ் சினிமாவில் நடிகர், இயக்குநர், தயாரிப்பாளர் என பன்முகத் திறமைகளை கொண்டு விளங்கியவர் தான் நடிகர் மனோபாலா. ஆரம்பத்தில் இயக்குனராக அறிமுகமாகி பல ஹிட் படங்களை கொடுத்து, அதன் பின்னர் குணச்சித்திர கதாபாத்திரத்தில் நடித்து வந்தார். இதையடுத்து பல முன்னணி நடிகர்களுடன் காமெடி ரோலில் நடித்து அசத்தியிருந்தார்.
மின்சார கண்ணா, தலைநகரம், நட்புக்காக, டான், நாய்சேகர் உள்ளிட்ட ஏராளமான படங்களில் நடித்துள்ளவர் மனோபாலா.இவர் ஊர்க்காவலன், வெற்றி படிகள், நந்தினி, நைனா உள்ளிட்ட ஏராளமான திரைப்படங்கள் இயக்கியுள்ளார்.
சமீபத்தில் கூட தளபதி நடித்து வரும் லியோ படத்தில் தாம் இருப்பதாக அப்டேட் கொடுத்திருந்தார். இதனை தொடர்ந்து இவருக்கு கடந்த ஜனவரி மாதம் ஆஞ்சியோ சிகிச்சை மேற்கொள்ளப்பட்டதாக தெரிவிக்கப்பட்டது.
இந்நிலையில், கல்லீரல் பிரச்சனை காரணமாக கடந்த 15 நாட்களாக மனோபாலா சிகிச்சை பெற்று வந்தார்.நோயின் தாக்கம் அதிகமானதால் வீட்டில் வைத்தே அவருக்கு கடந்த சில நாட்களாக சிகிச்சை அழிக்கப்பட்டு வந்த நிலையில்,சிகிச்சை பலனின்றி இன்று அவர் உயிரிழந்தார்.மனோபாலாவின் மரணம் திரையுலகினரை அதிர்ச்சியில் ஆழ்த்தியுள்ளது.
வாழ்க்கை நிலையில்லாதது என்பது இது தான் போன்று. மனோபாலாவுக்கு இப்படி திடீர் என்று மரணம் வரும் என்று எதிர்பார்க்கவில்லையே என சமூக வலைதளங்களில் ரசிகர்கள் தெரிவித்து வருகிறார்கள்.