தமிழ் சினிமாவில் பிரபலமாக திகழ்ந்த மனோபாலாவின் திடீர் மரணம் திரையுலகினர் மத்தியில் கடும் சோகத்தை ஏற்படுத்தியுள்ளது. ரசிகர்களும் இந்த சம்பவத்தை நம்ப முடியாமல் தவியாய் தவிக்கின்றனர். இந்நிலையில் மனோபாலாவின் மரணம் தொடர்பாக அவரது மகன் ஹரீஷ் அளித்துள்ள பேட்டி இணையத்தில் வைரலாகி வருகிறது.
ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
இயக்குனர், நடிகர், தயாரிப்பாளர் என திரையுலகில் பன்முகத்தன்மை கொண்டவராக திகழ்ந்தவர் மனோபாலா. பாரதிராஜாவின் உதவி இயக்குனராக தனது திரை வாழ்வை துவங்கிய இவர் ‘ஆகாய கங்கை’ படத்தின் மூலம் தமிழ் சினிமாவில் இயக்குனராக அறிமுகமானார். மேலும், பிள்ளை நிலா, சிறை பறவை, ஊர் காவலன், என் புருஷன் தான் எனக்கு மட்டும் தான் உள்ளிட்ட பல ஹிட் படங்களை இயக்கியுள்ளார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இயக்கத்தை தவிர்த்து சுமார் 700க்கும் மேற்பட்ட படங்களில் பல குணச்சித்திர வேடங்களில் நடித்திருக்கிறார். எச். வினோத் இயக்கிய ‘சதுரங்க வேட்டை’ உள்ளிட்ட சில படங்களை தயாரிக்கவும் செய்துள்ளார் மனோபாலா. இந்நிலையில் கல்லீரல் பிரச்சனை காரணமாக மருத்துவமனையில் அனுமதிக்கப்பட்டு சிகிச்சை பெற்று வந்தார்.
சிகிச்சைக்கு பின்னர் வீடு திரும்பிய மனோபாலா இன்று தனது இல்லத்தில் காலமானார். 69 வயதான மனோபாலாவின் திடீர் மறைவு திரையுலகினர் மத்தியில் கடும் அதிர்ச்சியை ஏற்படுத்தியுள்ளது. ரசிகர்களும் கண்ணீருடன் சமூக வலைத்தளங்களில் இரங்கல் தெரிவித்து வருகின்றனர்.
சீரியல் நடிகையின் விவாகரத்து கொண்டாட்டம்: பிக்பாஸ் காஜல் பசுபதி வெளியிட்ட பரபரப்பு பதிவு.!
இந்நிலையில் மனோபாலாவின் திடீர் மறைவு குறித்து அவரது மகன் ஹரீஷ் விளக்கம் அளித்துள்ளார். இதுதொடர்பாக அவள் அளித்துள்ள பேட்டியில், ‘என் அப்பா நெஞ்சு வலி காரணமாக சிகிச்சை மேற்கொண்டு வந்தார். சிகிச்சைக்கு பிறகு நன்றாக உடல்நலம் தேறி வந்தார். கடந்த சில நாட்களாக அவரது உடல் திடீரென மோசம் அடைந்தது.
இந்நிலையில் இன்று காலமாகிவிட்டார். இதை நாங்கள் எதிர்பார்க்கவே இல்லை. அப்பாவின் இறுதி சடங்கை நாளை நடத்தவுள்ளோம். பத்திரிக்கையாளர்கள் என்றால் என் தந்தைக்கு மிகவும் உயிர். நீங்கள் தான் அவரது இறுதி சடங்கை நடத்த முழு ஒத்துழைப்பு தர வேண்டும் என்று தெரிவித்துள்ளார். 69 வயதான மனோபாலாவின் மறைவிற்கு ரஜினிகாந்த், கமல் உள்ளிட்ட திரையுலக பிரபலங்கள் பலரும் சமூக வலைத்தளம் வாயிலாக இரங்கல் தெரிவித்து வருகின்றனர்.
‘பொன்னியின் செல்வன் 2’ குட்டி குந்தவை இந்த பிரபலங்களின் மகளா.?: தீயாய் பரவும் தகவல்.!