ஹோம் மேக்ஓவர் டேஸ்-வீட்டு மேம்பாட்டிற்கான தயாரிப்புகளுக்கு 70% வரை தள்ளுபடி கிடைக்கும்
ஓன்ப்ளஸ் நிறுவனத்தில் இருந்து பிரிந்த அதன் இணை நிறுவனர் கார்ல் பெய் தனியாக Nothing என்ற ஸ்மார்ட்போன் நிறுவனத்தை உருவாக்கினார். அவரின் முதல் முயற்சியிலேயே அவருக்கு மிகப்பெரிய அளவு வெற்றி கிடைத்தது.
வித்யாசமான டிசைன் மற்றும் புதுமையான UI கொண்டு அறிமுகம் செய்யப்பட்ட Nothing 1 ஸ்மார்ட்போன் பெரும் வரவேற்பு பெற்றது. 30 ஆயிரம் ரூபாய் விலையில் வெளியான இந்த ஸ்மார்ட்போன் பெற்ற மிகப்பெரிய வெற்றியை தொடர்ந்து இப்போது அதன் அடுத்த மாடல் வெளியாக தயாராகவுள்ளது.
இதற்கான டீசர் ஒன்றை Nothing நிறுவனம் அதன் ட்விட்டர் மூலம் வெளியிட்டுள்ளது. அதில் இந்த வருடம் கோடை காலத்தில் Nothing Phone 2 வெளியாகும் என்று அறிவித்துள்ளது. இந்த போனையும் இந்தியாவில் Flipkart மூலம் விற்பனை செய்ய அந்த நிறுவனம் முடிவெடுத்துள்ளது.
புதுமையான பிரீமியம் டிசைன்
இந்த ஸ்மார்ட்போன் டிசைன் Nothing Phone 1 போலவே இருந்தாலும் பிரீமியம் அம்சங்கள் பல புதிதாக இதில் சேர்க்கப்படும். நாம் வீடியோ ரெகார்ட் செய்யும்போது வெளியே தெரியும் விதமாக சிகப்பு நிற லைட் இண்டிகேட்டர் இதில் புதிதாக இடம்பெறும்.
Apple iphone 14 போனை 39,293 ஆயிரம் ரூபாய்க்கு அமேசானில் பெறலாம்! ஸ்மார்ட்போன் சலுகைகள்..
இதன் Phone 1 மாடலில் இடம்பெற்ற அதே Glyph Light இதிலும் இடம்பெறும். ஆனால் இம்முறை புதுமையான சில வசதிகள் அதனுடன் சேர்க்கப்படும். இதன் பின்பக்க டிசைன் அமைப்பு சற்று மாறுபடலாம். இதன் முன்பக்கம் டிசைன் ஐபோன் போலவே இருக்கும் என்று எதிர்பார்க்கப்படுகிறது.
திறன் வசதிகள்
இதில் மேம்பட்ட திறன் கிடைக்க புதிய Qualcomm Snapdragon 8 gen சிப் வசதி இடம்பெறும். இதன் மூலமாக இந்த ஸ்மார்ட்போன் மற்ற பிரீமியம் ஆண்ட்ராய்டு பிளாக்ஷிப் போன்களுடன் நேரடியாக போட்டியிடும். இதில் 12GB RAM மற்றும் 256GB ஸ்டோரேஜ் வசதி இடம்பெறும். மேலும் இதன் பேட்டரி தேவைக்காக ஒரு மிகப்பெரிய 5000mAh திறன் உள்ள பேட்டரி இடம்பெறும்.
Google Pixel 7a மே 11 அன்று இந்தியாவில் வெளியாகும்! பிளிப்கார்ட்டில் விற்பனை!
மற்ற வசதிகள்
இந்த ஸ்மார்ட்போனில் 6.7 AMOLED டிஸ்பிளே, 120HZ refresh rate வசதி, Android 13 சார்ந்து உருவாக்கப்பட்ட Nothing OS போன்றவை இடம்பெறும். இதன் கேமரா தரமும் பிரீமியம் ஸ்மார்ட்போன்களுக்கு இணையாக இருக்கும். Oneplus நிறுவனம் எடுத்த Flagship killer என்ற பெயரை இப்போது Nothing நிறுவனம் எடுக்க முயற்சி செய்கிறது.
விலை எதிர்பார்ப்புகள் (Nothing phone 2 price)
இந்தியாவில் இந்த ஸ்மார்ட்போன் 45 ஆயிரம் ரூபாய் என்ற பிரீமியம் விலையில் வெளியாகும் என்று எதிர்பார்க்கப்படுகிறது. இது பற்றிய மேலும் விவரங்கள் வரும் நாட்களில் தெரியவரும். ஆனால் Nothing Phone 1 மாடலை விட நிச்சயம் இந்த ஸ்மார்ட்போன் பிரீமியம் ஸ்மார்ட்போனாக இருக்கும்.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்