நாளை ‘தி கேரளா ஸ்டோரி’ திரைப்படம் வெளியாக உள்ள அனைத்து திரையரங்குகளுக்கும் பாதுகாப்பு அளிக்க டிஜிபி சைலேந்திர பாபு உத்தரவிட்டுள்ளார்.
சுதிப்தோ சென் இயக்கியுள்ள தி கேரளா ஸ்டோரி திரைப்படம் நாளை வெளியாகிறது. இந்த படம் வெறுப்புணர்வை தூண்டும் வகையில் இருப்பதாகக் கூறி கடும் எதிர்ப்பு எழுந்துள்ளது.
இந்நிலையில் படத்தை தடை செய்யக் கோரி சென்னை உயர்நீதிமன்றத்தில் வழக்கு தொடரப்பட்டது. வழக்கு விசாரணைக்கு வந்த போது, கேரளாவில் மத மாற்றம் நடைபெறாத நிலையில், தவறான தகவலை வைத்து படம் எடுக்கப்பட்டதாக மனுதாரர் கூறினார்.
வாதங்களை கேட்ட நீதிபதிகள், படம் வெளியாக கூடிய இறுதி கட்டத்தில் ஏன் வழக்கு தொடர்ந்தீர்கள் என்று கேள்வி எழுப்பி, இவ்வழக்கை கேரள உயர்நீதிமன்றம் கையில் எடுத்துள்ள போது, நாங்கள் உத்தரவு பிறப்பிக்க முடியாது என்று கூறி தள்ளுபடி செய்தனர்.
இந்த நிலையில் ‘தி கேரளா ஸ்டோரி’ திரைப்படம் நாளை வெளியாகவுள்ள அனைத்து திரையரங்குகளுக்கு பாதுகாப்பு அளிக்க டிஜிபி சைலேந்திர பாபு உத்தரவிட்டுள்ளார். திரை அரங்குகளில் பார்வையாளர்களை முழுமையான பரிசோதனைக்கு பிறகே அனுமதிக்க வேண்டும்.
திரைப்படத்திற்கு எதிராக ஒரு சில அமைப்புகள் போராட்டம், கலவரத்தில் ஈடுபட வாய்ப்புள்ளது. சட்டம் ஒழுங்கு பிரச்னை ஏற்படாமல் இருக்க முன்னெச்சரிக்கையாக இருக்க வேண்டும் எனவும் அவர் உத்தரவிட்டுள்ளார்.
newstm.in