70 நாடுகளில் வெளியாகும் பிரபாஸின் ஆதிபுருஷ் டிரெய்லர்
ஓம் ராவத் இயக்கத்தில் பிரபாஸ் நடித்துள்ள படம் ஆதிபுருஷ். ராமாயணத்தை தழுவி உருவாகும் இந்த படத்தில் ராமராக பிரபாஸ், சீதையாக கிருத்தி சனோன், லட்சுமணனாக சன்னி சிங், ராவணனாக சைப் அலிகான் ஆகியோர் முக்கிய வேடத்தில் நடித்துள்ளனர். இந்த படத்தின் போஸ்டர்கள், வீடியோக்கள் வெளியாகி ரசிகர்கள் மத்தியில் வரவேற்பு பெற்று வருகிறது.
இந்நிலையில் ஆதிபுருஷ் படத்தின் டிரெய்லர் மே 9ம் தேதி வெளியாக இருப்பதாக அறிவிக்கப்பட்டுள்ளது. அதோடு இந்த டிரெய்லரானது இந்தியாவில் மட்டுமின்றி 70-க்கும் மேற்பட்ட நாடுகளில் வெளியாக உள்ளதாக படக்குழு தெரிவித்துள்ளது. அந்தவகையில் இந்தியா, அமெரிக்கா, கனடா, ஆஸ்திரேலியா, சிங்கப்பூர் நியூசிலாந்து, தாய்லாந்து, இந்தோனேசியா, மலேசியா, பிலிப்பைன்ஸ், ஹாங்காங், ஜப்பான், இலங்கை, ஆப்பிரிக்கா, இங்கிலாந்து, ஐரோப்பா, ரஷ்யா உள்ளிட்ட நாடுகளில் வெளியிட உள்ளனர்.
ஆதிபுருஷ் படம் நியூயார்க்கில் நடைபெற்ற ட்ரீ பெகா சர்வதேச திரைப்பட விழாவில் பிரத்யேகமாக திரையிடப்பட்டு கவனம் பெற்றுள்ளது. தமிழ், தெலுங்கு, மலையாளம், கன்னடம், ஹிந்தி என ஐந்து மொழிகளில் இப்படம் வெளியாகிறது.