சென்னை சூப்பர் கிங்ஸ் அணியின் அணுகுமுறை எனக்கு உந்துதலாக இருந்தது என்று குஜராத் டைட்டன்ஸ் அணியின் கேப்டன் ஹர்திக் பாண்டியா வெளிப்படையாக கருத்து தெரிவித்துள்ளார்.
முதலிடத்தில் குஜராத் டைட்டன்ஸ்
கடந்த சீசனில் சாம்பியன் பட்டம் வென்ற குஜராத் டைட்டன்ஸ் அணி நடப்பு ஐபிஎல் தொடரிலும் அதிரடியாக விளையாடி வருகிறது.
நடப்பு தொடரில் 10 போட்டிகளில் விளையாடியுள்ள குஜராத் டைட்டன் அணி இதுவரை 7 போட்டிகளில் வெற்றியையும் 3 போட்டிகளில் தோல்வியையும் சந்தித்துள்ளது.
மேலும் இதன்மூலம் லீக் போட்டிகளுக்கான தரவரிசையில் 14 புள்ளிகளுடன் குஜராத் டைட்டன்ஸ் அணி முதலிடத்தில் நீடித்து வருகிறது.
கேப்டன் பாண்டியா வெளிப்படை
இந்நிலையில் குஜராத் அணியின் தொடர் வெற்றிக்கான ரகசியத்தை அந்த அணியின் கேப்டன் ஹர்திக் பாண்ட்யா வெளிப்படையாக தெரிவித்துள்ளார்.
அதில் கிரிக்கெட்டில் வெற்றி பெறுவதற்கு இரண்டு வழிகள் உள்ளன. முதல் வழி, அணியில் மிகச் சிறந்த வீரர்களை எடுத்து அணியை வெற்றி பெற செய்வது, இதுதான் மும்பை இந்தியன்ஸ் அணியின் வழி.
இரண்டாவது வழி, வெற்றிக்கான சிறந்த சூழ்நிலையை அணியில் ஏற்படுத்தி, வீரர்கள் யாராக இருந்தாலும் அவர்களிடம் இருந்து சிறப்பான ஆட்டத்தை வெளிப்பட வைப்பது, இதுவே சிஎஸ்கே அணியின் வழி.
என்னை பொறுத்தவரை சென்னை சூப்பர் கிங்ஸ் அணியின் அணுகுமுறை எனக்கு உந்துதலாக இருக்கிறது என்று குஜராத் டைட்டன்ஸ் அணியின் கேப்டன் ஹர்திக் பாண்டியா கருத்து தெரிவித்துள்ளார்.