வாசிக்க நேரம் இல்லையா? செய்தியைக் கேளுங்கள்
தமிழக அரசின் தலைமை செயலர் இறையன்பு, டி.ஜி.பி., சைலேந்திரபாபு ஆகியோர், ஜூனில் ஓய்வு பெறவுள்ளனர். அதனால், புதிய தலைமை செயலர், டி.ஜி.பி.,யை தேர்வு செய்வதற்கான நடைமுறைகளை தமிழக அரசு துவங்கியுள்ளது.
உச்ச நீதிமன்ற தீர்ப்பால், முன்பு போல மாநில அரசுகள் தங்கள் விருப்பத்திற்கு, டி.ஜி.பி.,யை நியமிக்க முடியாத நிலை உள்ளது. மூத்த ஐ.பி.எஸ்., அதிகாரிகள் அடங்கிய பட்டியலை, மத்திய அரசு பணியாளர் தேர்வாணையமான யு.பி.எஸ்.சி.,க்கு, மாநில அரசு அனுப்பி வைக்க வேண்டும்.
அதிலிருந்து மூன்று பேரை தேர்வு செய்து, மாநில அரசுக்கு யு.பி.எஸ்.சி., திரும்ப அனுப்பும். அந்த மூவரிலிருந்து ஒருவரை, மாநில அரசு தேர்வு செய்ய வேண்டும். இது தான் நடைமுறை.
 |
அதன்படி, 10-க்கும் அதிகமான மூத்த ஐ.பி.எஸ்., அதிகாரிகளின் பட்டியலை, யு.பி.எஸ்.சி.,க்கு தமிழக அரசு அனுப்பி வைத்துள்ளதாக தகவல் வெளியாகியுள்ளது.
அதுபோல, தலைமை செயலர் பதவிக்கும் யு.பி.எஸ்.சி.,யின் ஒப்புதல் தேவை. அதற்கான பணிகளையும் தமிழக அரசு துவங்கியுள்ளதாக கூறப்படுகிறது.
– புதுடில்லி நிருபர் –
புதிய செய்திகளுக்கு தினமலர் சேனலை Subscribe செய்யுங்கள்
Advertisement
