இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
ரஜினி மற்றும் நெல்சன் கூட்டணியில் கடந்தாண்டு ஜெயிலர் திரைப்படம் உருவாக இருப்பதாக அதிகாரபூர்வமாக அறிவிக்கப்பட்டது. இதையடுத்து கடந்தாண்டு ஆகஸ்ட் மாதம் இப்படத்தின் படப்பிடிப்பு துவங்கியது. தொடர்ந்து சென்னை, கடலூர், விழுப்புரம் என தமிழ்நாட்டில் இருக்கும் பல ஊர்களில் ஜெயிலர் திரைப்படம் லைவ் லொகேஷனில் படமாக்கப்பட்டது.
இதைத்தொடர்ந்து ரம்யாகிருஷ்ணன், யோகி பாபு, வசந்த ரவி ஆகியோர் நடிப்பதாக அறிவிக்கப்பட்டதை தொடர்ந்து மோகன்லால், ஷிவ்ராஜ்குமார், ஜாக்கி ஷாரூப் ஆகியோரும் இப்படத்தில் நடிப்பதாக அறிவிக்கப்பட்டதை அடுத்து படத்தின் மீதான எதிர்பார்ப்பு பலமடங்கு உயர்ந்தது.
Rajini: என் நம்பிக்கை வீண்போகவில்லை..உச்சகட்ட மகிழ்ச்சியில் ரஜினி..காரணம் இதுதானாம்..!
எப்படி கமலின் விக்ரம் திரைப்படம் மல்டிஸ்டாரர் படமாக வெளியாகி மாஸ் ஹிட்டடித்ததோ அதே பார்முலாவை ஜெயிலர் படத்திலும் ரஜினி பயன்படுத்தி வருவதாக கோலிவுட் வட்டாரத்தில் பேசப்பட்டு வருகின்றது. இந்நிலையில் ஜெயிலர் திரைப்படத்தின் ஒட்டுமொத்த படப்பிடிப்பும் தற்போது முடிவடைந்து போஸ்ட் ப்ரொடக்ஷன் வேலைகள் மிக தீவிரமாக நடைபெற்று வருகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
சமீபத்தில் ஜெயிலர் படத்தின் ரிலீஸ் தேதியை படக்குழு ஒரு டீசரின் மூலம் வெளியிட்டது. அதன் படி இப்படம் ஆகஸ்ட் 10 ஆம் தேதி திரையில் வெளியாகவுள்ளது. என்னதான் ரஜினிக்கு ஆகஸ்ட் மாதம் ராசியில்லை, எனவே ஜெயிலர் படம் செப்டம்பர் மாதம் தான் வெளியாகும் என பலர் கூறினாலும் படத்தின் மீதும், கதையின் மீதும் நம்பிக்கை வைத்து ஆகஸ்ட் மாதம் படத்தை வெளியிட முடிவெடுத்துள்ளார் ரஜினி.
இந்நிலையில் இப்படத்தின் ரிலீஸ் தேதி அறிவித்தவுடன் படத்தின் கதையை பற்றி பல ரசிகர்கள் இணையத்தில் பேசி வருகின்றனர். அதன் படி ஜெயிலர் படத்தின் போஸ்டர் மற்றும் இரண்டு கிலிம்ப்ஸ் வீடியோக்களிலும் ரஜினி ஒரே கலர் சட்டையை அணிந்துள்ளதால் இப்படம் ஒரே நாளில் நடப்பதை போன்ற கதையம்சம் கொண்ட படமாக இருக்கும் என சிலர் கூறி வருகின்றனர்.
பிளாஷ்பாக் காட்சிகளை கொண்டு ஒரே நாளில் நடக்கும் கதை தான் ஜெயிலர் என சிலர் பேசி வருகின்றனர். ஆனால் இதைப்பற்றி படக்குழுவை சார்ந்த யாரும் பேசவில்லை என்றாலும் ரசிகர்களே இபபடத்தின் கதை இதுவாகத்தான் இருக்கும் என்று கணித்து வருகின்றனர்.
இந்நிலையில் ஜெயிலர் படத்தின் ரிலீஸ் தேதி அறிவிக்கப்பட்டதை அடுத்து விரைவில் இப்படத்தின் முதல் சிங்கிள் வெளியாகும் என எதிர்பார்க்கப்பட்டு வருகின்றது. அனிருத் இசையமைப்பில் இப்படத்தின் டீசரில் வெளியான பின்னணி இசையே செம மாஸாக இருப்பதால் இப்படத்தின் பாடல்களும் சிறப்பாக இருக்கும் என்பதில் எந்த சந்தேகமும் இல்லை என்பது குறிப்பிடத்தக்கது