சென்னை: மணிரத்னம் இயக்கிய பொன்னியின் செல்வன் 2 கடந்த மாதம் 28ம் தேதி வெளியானது.
லைகா தயாரிப்பில் பிரம்மாண்டமாக உருவாகியுள்ள இந்தப் படம் கடந்த 10 நாட்களாக திரையரங்குகளில் ஓடி வருகிறது.
ஆனால், தற்போது ரிலீஸாகியுள்ள பொன்னியின் செல்வன் 2 படத்துக்கு போதிய வரவேற்பு கிடைக்கவில்லை என தெரிகிறது.
இதனால், முதல் இரண்டு வாரங்கள் முடிவில் பொன்னியின் செல்வன் 2 வசூல் ரொம்பவே குறைந்துள்ளதாக பாக்ஸ் ஆபிஸ் வட்டாரங்கள் தெரிவிக்கின்றன.
பொன்னியின் செல்வன் 2 பாக்ஸ் ஆபிஸ்:கோலிவுட்டின் கனவுத் திரைப்படமான பொன்னியின் செல்வன் மணிரத்னம் இயக்கத்தில் உருவானது. கல்கியின் பொன்னியின் செல்வன் நாவலை பின்னணியாகக் கொண்டு உருவான இந்தப் படம் இரண்டு பாகங்களாக வெளியாகியுள்ளது. லைகா தயாரித்த பொன்னியின் செல்வன் முதல் பாகம் கடந்தாண்டு செப்டம்பரில் வெளியானது. அதனைத் தொடர்ந்து கடந்த மாதம் 28ம் தேதி இரண்டாம் பாகமும் ரிலீஸானது.
பொன்னியின் செல்வன் முதல் பாகத்திற்கு ரசிகர்களிடம் மிகப் பெரிய வரவேற்பு கிடைத்தது. இதனால் உலகம் முழுவதும் ரூ. 500 கோடிக்கும் அதிகமாக வசூல் செய்திருந்தது. இதன் காரணமாக பொன்னியின் செல்வன் 2ம் பாகமும் தரமான வசூல் வேட்டை நடத்தும் என படக்குழு நம்பியிருந்தது. ஆனால், பொன்னியின் செல்வன் படம் வெளியாகும் முன்பே, ரசிகர்களிடம் பெரிதாக எதிர்பார்ப்புகள் இல்லை என்பது குறிப்பிடத்தக்கது.
இந்நிலையில், பொன்னியின் செல்வன் 2ம் பாகத்தின் பாக்ஸ் ஆபிஸ் ரிப்போர்ட் குறித்து தகவல் வெளியாகியுள்ளது. அதன்படி இந்தப் படம் இரண்டு வாரங்களில், அதாவது 10 நாட்களில் 285 கோடி ரூபாய் வரை வசூலித்துள்ளதாம். இது எதிர்பார்த்ததை விட ரொம்பவே குறைவு என சொல்லப்படுகிறது. தமிழ்நாட்டில் 120 முதல் 140 கோடியும், உலகம் முழுவதும் மொத்தமாக 270 முதல் 300 கோடி வரையும் வசூலித்திருக்கலாம் என கணிக்கப்பட்டுள்ளது.
சம்மர் விடுமுறை என்பதால் இந்த வாரம் முதல் அடுத்தடுத்து அதிகமான படங்கள் வெளியாகின்றன. அதனால், பொன்னியின் செல்வன் 2 வசூல் இனி அதிகரிக்க வாய்ப்பில்லை என சொல்லப்படுகிறது. முக்கியமாக முதல் பாகத்தைப் போல 500 கோடியெல்லாம் வசூலிக்க சுத்தமாக வாய்ப்பே கிடையாது எனவும் பாக்ஸ் ஆபிஸ் வட்டாரங்கள் தெரிவிக்கின்றன. எனவே விரைவில் பொன்னியின் செல்வன் 2 ஓடிடியில் வெளியாகும் என எதிர்பார்க்கப்படுகிறது.
விக்ரம், கார்த்தி, ஜெயம் ரவி, த்ரிஷா, ஐஸ்வர்யா ராய், ஷோபிதா துலிபலா, ஐஸ்வர்யா லக்ஷ்மி, சரத்குமார், பிரகாஷ் ராஜ், பிரபு, ஜெயராம், ரஹ்மான், விக்ரம் பிரபு என மிகப் பெரிய நட்சத்திரப்பட்டாளத்துடன் உருவாகியுள்ளது பொன்னியின் செல்வன் 2. கல்கியே கன்பியூஸ் ஆகுற அளவிற்கு பொன்னியின் செல்வன் நாவலுக்கும் படத்துக்கும் வித்தியாசம் இருப்பதே, ரசிகர்களிடம் வரவேற்பு குறைய காரணம் என விமர்சகர்கள் தெரிவித்துள்ளனர்.