இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
பிசிவிஜய்யின் முந்தைய படமான வாரிசு படப்பிடிப்பின் போதே அடுத்ததாக விஜய் லோகேஷ் கனகராஜின் இயக்கத்தில் நடிக்கப்போகிறார் என்ற தகவல் கசிந்தது. இதையடுத்து ரசிகர்களின் கவனம் முழுக்க இவர்களின் கூட்டணியின் மீது திரும்பியது. இதைப்பார்த்த தளபதி வாரிசு படம் வெளியான பின்னரே லியோ படத்தின் அறிவிப்பை வெளியிடலாம் என முடிவெடுத்தார். அதன் படி லியோ படத்தின் அறிவிப்பை கடந்த ஜனவரி மாதம் வெளியிட்டனர் படக்குழுவினர். அதைத்தொடர்ந்து காஷ்மீர், சென்னை என விஜய் செம பிசியாக லியோ படப்பிடிப்பில் கலந்துகொண்டு வருகின்றார். தற்போது இப்படத்தின் படப்பிடிப்பு இறுதிக்கட்டத்தை எட்டியுள்ளது
வித்யாசம்லோகேஷ் மற்றும் விஜய் கூட்டணியில் வெளியாகி ஹிட்டடித்த மாஸ்டர் படத்தை காட்டிலும் லியோ சற்று வித்யாசமாக இருக்கும் என்பதே ரசிகர்களின் எதிர்பார்ப்பாக இருக்கின்றது. காரணம் மாஸ்டர் படத்தில் விஜய்க்காக சில கமர்ஷியல் விஷயங்களை சேர்ந்திருந்த லோகேஷ் லியோ படத்தை முழுக்க முழுக்க தன் பாணியில் உருவாக்கி வருகின்றார். எனவே விக்ரம் படத்தை போல இப்படமும் ரசிகர்களுக்கு புதுவித அனுபவத்தை கொடுக்கும் என எதிர்பார்க்கப்படுகின்றது. லியோ படத்தில் விஜய்யின் கதாபாத்திரம், அவரின் நடிப்பு என அனைத்தும் ரசிகர்களுக்கு புது வித அனுபவத்தை கொடுக்குமாம். எனவே இப்படத்தில் நாம் வேறொரு விஜய்யை பார்க்கலாம் என அவரது ரசிகர்கள் எதிர்பார்த்து காத்துக்கொண்டிருக்கின்றனர்
லியோவில் இணைந்த பிரபலங்கள்லியோ திரைப்படத்தின் அடுத்தகட்ட படப்பிடிப்பு தற்போது சென்னையில் விறுவிறுப்பாக நடைபெற்று வருகின்றது. இதில் விஜய், த்ரிஷா, சஞ்சய் தத் ஆகியோர் சம்மந்தப்பட்ட காட்சிகள் படமாக்கப்பட்டு வருகின்றது. இந்நிலையில் தற்போது இப்படத்தின் படப்பிடிப்பில் மன்சூர் அலி கான் மற்றும் அர்ஜுன் ஆகியோரும் இணையவுள்ளனர். லியோவில் மிகமுக்கியமான ரோலில் இருவரும் நடிப்பதாக தகவல்கள் வந்த நிலையில் இவர்கள் படப்பிடிப்பில் இதுவரை கலந்துகொள்ளாமல் இருந்தனர். இதன் காரணமாக ரசிகர்கள் அர்ஜுன் மற்றும் மன்சூர் அலி கான் லியோவில் நடிக்கின்றார்களா இல்லையா என்ற சந்தேகத்திலேயே இருந்தனர். இந்நிலையில் தற்போது இருவரும் படப்பிடிப்பில் கலந்துகொள்வார்கள் என்ற செய்தி ரசிகர்களின் சந்தேகத்தை போக்கியுள்ளது
இசை வெளியீட்டு விழாஇந்நிலையில் சில நாட்களுக்கு முன்பு லியோ படத்தின் இசை வெளியீட்டு விழாவை பற்றி படத்தின் தயாரிப்பாளர் லலித் பேசியிருந்தார். அதாவது லியோ படத்தின் இசை வெளியீட்டு விழாவை சென்னையில் நடத்தாமல் தென்தமிழகத்தில் நடத்துமாறு விஜய் கூறியதாக லலித் குறிப்பிட்டிருந்தார். அதன் படி லியோ படத்தின் இசை வெளியீட்டு விழாவை தற்போது மதுரையில் நடத்த படக்குழு முடிவெடுத்துள்ளது. இதற்கு விஜய்யும் சம்மதம் தெரிவித்துள்ளாராம். எப்போதும் படத்தின் இசை வெளியீட்டு விழா சென்னையிலேயே நடத்தப்படுவதால் ஒரு மாறுதலுக்காக விஜய் இம்முறை தென்தமிழகத்தில் நடத்த திட்டமிட்டுள்ளார். இதையடுத்து லியோ படத்தின் இசை வெளியீட்டு விழா மதுரையில் அக்டோபர் முதல் வாரத்தில் நடக்க வாய்ப்புள்ளதாக தகவல்கள் வருகின்றன