நடிகை திரிஷா சமீபத்தில் தனது நாற்பதாவது பிறந்தநாளை கொண்டாடியுள்ளார். இதில் கிட்டத்தட்ட 23 வருடங்கள் திரையுலகில் தனது ஆதிக்கத்தையும் செலுத்தி, தற்போது வரை கதாநாயகியாகவே நடித்து வருகிறார்.
திரிஷா இவரின் பிறந்தநாளுக்கு திரையுலக பிரபலங்கள் பலரும் வாழ்த்து தெரிவித்தனர். இந்த நிலையில் மலையாள நடிகை மியா ஜார்ஜ் தனது பிறந்தநாள் வாழ்த்துக்களை திரிஷாவுக்கு தெரிவித்ததுள்ளதுடன் அவர்கள் இணைந்து எடுத்துக்கொண்ட ஒரு புகைப்படத்தையும் வெளியிட்டு ஒரு ஆச்சரியமான தகவலையும் வெளியிட்டுள்ளார்.
இதுபற்றி அவர் கூறும்போது, “இந்த பிறந்தநாள் எனக்கு ரொம்பவே ஸ்பெஷலான ஒரு நாள். காரணம் உங்களது பிறந்த நாள் தான் என் மகனுக்கும் பிறந்தநாள். அதனால் உங்கள் இருவருக்கும் ஒன்றாகவே எனது வாழ்த்துக்களை தெரிவித்துக் கொள்கிறேன். உங்களுடன் பணியாற்றியது மிக அற்புதமான அனுபவம். உங்களிடம் இருந்து நிறைய கற்றுக் கொண்டேன்.
நீண்ட நாட்கள் நினைவில் வைத்து பாதுகாக்கும் விதமாக உங்களுடனான பல நினைவுகளையும் சேமித்து வைத்துள்ளேன்“ என்று மகிழ்ச்சியுடன் கூறியுள்ளார்.
நடிகை திரிஷா நடிப்பில் விரைவில் வெளிவர தயாராகி வரும் ‘தி ரோடு‘ என்கிற படத்தில் திரிஷாவுடன் இணைந்து முக்கிய கதாபாத்திரத்தில் மியா ஜார்ஜ் நடித்துள்ளார். அப்போது தனது குடும்பத்துடன் திரிஷாவை சந்தித்தபோது எடுத்துக்கொண்ட புகைப்படங்களை தனது சோஷியல் மீடியாவில் பகிர்ந்து கொண்டுள்ளார் நடிகை மியா ஜார்ஜ் என்பது குறிப்பிடத்தக்கது.