இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
3, வை ராஜா வை ஆகிய படங்களை தொடர்ந்து ஐஸ்வர்யா லால் சலாம் என்ற படத்தை தற்போது இயக்கி வருகின்றார். எட்டு ஆண்டுகளுக்கு பிறகு ஐஸ்வர்யா மீண்டும் இயக்குனராக லால் சலாம் படத்தின் மூலம் களமிறங்குகிறார். முன்பு இவர் இயக்கிய படங்களுக்கு இருந்த எதிர்பார்ப்பை விட தற்போது லால் சலாம் படத்திற்க்கு பல மடங்கு எதிர்பார்ப்பு அதிகரித்துள்ளது.
அதற்கு மிகமுக்கிய காரணம் ரஜினி தான். லால் சலாம் படத்தில் சிறப்பு தோற்றத்தில் ரஜினி நடிப்பதாக வந்த அறிவிப்பிலிருந்து இப்படத்தின் எதிர்பார்ப்பு பலமடங்கு உயர்ந்தது. மேலும் ஏ.ஆர் ரஹ்மான் இப்படத்திற்கு இசையமைத்து வருகின்றார். இவ்வாறு மிகப்பெரிய எதிர்பார்ப்பில் உருவாகும் இபபடத்தில் விஷ்ணு விஷால் மற்றும் விக்ராந்தை நாயகர்களாக நடிக்கின்றனர்.
Leo: ஒருவழியாக ஓகே சொன்ன பிரபலம்..களைகட்டும் லியோ ஷூட்டிங்..வெளியான வெறித்தனமான அப்டேட்..!
இந்நிலையில் லால் சலாம் படத்தின் முதல்கட்ட படப்பிடிப்பை விறுவிறுப்பாக நடத்தி முடித்துவிட்டு தற்போது அடுத்தகட்ட படப்பிடிப்பிற்காக படக்குழு மும்பைக்கு விரைந்துள்ளது. ரஜினி சம்மந்தப்பட்ட காட்சிகளை மும்பையில் படமாக்கி வருகின்றனர் படக்குழுவினர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் சில நாட்களுக்கு முன்பு லால் சலாம் படத்தில் ரஜினி நடிக்கும் கதாபாத்திரம் மற்றும் அவரது லுக்கை படக்குழு வெளியிட்டது. மொய்தீன் பாய் என்ற ரோலில் ரஜினி லால் சலாம் படத்தில் நடிப்பதாக அதிகாரபூர்வமாக அறிவிக்கப்பட்டது. என்னதான் இந்த போஸ்டர் மற்றும் லுக் ரசிகர்களிடம் விமர்சனத்திற்கு உண்டானாலும் பாட்ஷா படத்திற்கு பிறகு ரஜினி லால் சலாம் படத்தில் முஸ்லிம் கதாபாத்திரத்தில் நடிப்பதால் படத்தின் மீதான எதிர்பார்ப்பு ரசிகர்களிடம் குறையாமல் இருக்கின்றது.
இந்நிலையில் தற்போது லால் சலாம் படத்தின் கதைப்பற்றி இணையத்தில் ஒரு தகவல் கசிந்துள்ளது. அதாவது ஏற்கனவே லால் சலாம் படம் கிரிக்கெட் விளையாட்டை அடிப்படையாக கொண்டு உருவாகும் படம் என ஒரு தகவல் வந்தது. இதையடுத்து தற்போது வந்த தகவலின் படி லால் சலாம் திரைப்படம் பாலிவுட்டில் வெளியான kai po che என்ற படத்தின் ரீமேக் தான் என ஒரு தகவல் உலா வருகின்றன.
மறைந்த நடிகர் சுஷாந்த் சிங் நடிப்பில் கடந்த 2013 ஆம் ஆண்டு வெளியான kai po che திரைப்படமும் கிரிக்கெட் சம்மந்தப்பட்ட கதைக்களம் கொண்ட படம் தான். எனவே லால் சலாம் படமும் இரண்டு கிரிக்கெட் வீரர்கள் சம்மந்தப்பட்ட படமாக உருவாக இருப்பதாக வந்த தகவலினால் இப்படம் kai po che படத்தின் ரீமேக்காக இருக்குமோ என சிலர் யூகித்து வருகின்றனர்.
இந்நிலையில் இரண்டு கிரிக்கெட் வீரர்கள் எதிர்பாராத விதமாக ஒரு பிரச்சனையில் சிக்கிக்கொள்ள அவர்களை அந்த பிரச்சனையில் இருந்து விடுவிக்கும் கதாபாத்திரத்தில் ரஜினி நடிக்கின்றார் என செய்திகள் வருகின்றன.
மேலும் இப்படத்தில் ரஜினி கிட்டத்தட்ட 40 நிமிடங்கள் வரை வருவார் என்று தெரிகின்றது. எனவே இந்த தகவல் உண்மையா இல்லையா என்பது படம் வெளியான பின்னரே தான் தெரியவரும் என்பது குறிப்பிடத்தக்கது.