போண்டாமணி மகளின் படிப்பு செலவை ஏற்ற தயாரிப்பாளர்
காமெடி நடிகர் போண்டாமணி கடந்த ஆண்டு தனது சிறுநீரகம் செயலிழந்து மருத்துவமனையில் சிகிச்சை பெற்றபோது அவருக்கு விஜய் சேதுபதி, தனுஷ் உள்ளிட்ட நடிகர்கள் பலரும் உதவி செய்தார்கள். தற்போது இரண்டு கிட்னியும் பாதிக்கப்பட்டு இருப்பதால் அரசு மருத்துவமனையில் டயாலிசிஸ் செய்து வருகிறார். இந்த நிலையில் போண்டாமணியின் மகள் சாய் குமாரி பிளஸ் டூ தேர்வில் 600க்கு 400 மதிப்பெண்கள் எடுத்து தேர்ச்சி பெற்றுள்ளார். இதை அடுத்து போண்டா மணியின் சூழ்நிலையை அறிந்த தயாரிப்பாளர் ஐசரி கணேஷ், அவரது மகள் சாய் குமாரியின் மேல் படிப்புக்கான செலவை தான் ஏற்றுக் கொள்வதாக தெரிவித்தவர், தன்னுடைய வேல்ஸ் கல்லூரியில் அவர் படிப்பதற்கு பிசிஏ சீட் கொடுத்துள்ளார். இதற்கு நடிகர் போண்டாமணி அவருக்கு தனது நன்றியை தெரிவித்துள்ளார்.