தமிழ் சினிமாவில் உள்ள பிரபலமான இயக்குனர்களில் லிஸ்டில் வெங்கட் பிரபுவும் ஒருவர். இவரது இயக்கத்தில் கடைசியாக ‘மாநாடு’ படம் வெளியானது. சிம்புவுக்கு மிகப்பெரிய கம்பேக் கொடுத்த இந்தப்படம் வசூலிலும் பட்டையை கிளப்பியது. டைம் டிராவல் கதைக்களத்தை அடிப்படையாக கொண்டு இந்தப்படத்தை இயக்கியிருந்தார் வெங்கட் பிரபு.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
‘மாநாடு’ படத்தினை தொடர்ந்து வெங்கட் பிரபு இயக்கிய ‘மன்மத லீலை’ படம் வெளியானது. கொரோனா லாக்டவுனில் அசோக் செல்வன் நடிப்பில் இந்தப்படத்தை இயக்கினார். கலவையான விமர்சனங்களை பெற்ற இந்தப்படத்தை தொடர்ந்து தற்போது நாக சைதன்யா நடிப்பில் ‘கஸ்டடி’ என்ற படத்தை இயக்கியுள்ளார் வெங்கட் பிரபு.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தமிழ், தெலுங்கு மொழயில் உருவாகியுள்ள ‘கஸ்டடி’ படத்தில் காவல்துறை அதிகாரியாக நடித்துள்ளார் நாக சைதன்யா. அவருக்கு ஜோடியாக கீர்த்தி ஷெட்டி நடித்துள்ள இந்தப்படத்தில் அரவிந்த்சாமி, ராதிகா சரத்குமார், சம்பத்ராஜ், பிரியாமணி, கிஷோர், பிரேம்ஜி உள்ளிட்ட பலர் நடித்துள்ளனர். இசைஞானி இளையராஜாவும், யுவன் ஷங்கர் ராஜாவும் இணைந்து இந்தப்படத்திற்கு இசையமைத்துள்ளனர்.
இந்நிலையில் இந்தப்படத்தின் புரமோஷன் நிகழ்ச்சிகளில் பேசிய இயக்குனர் வெங்கட் பிரபு, நாக சைதன்யாவுடன் இணைந்து பணியாற்றியது ரொம்ப வசதியாக இருந்தது. அவர் அழகாக தமிழ் பேசியதால் என்னால் அவரிடம் வேலை வாங்குவது எளிமையாக இருந்தது. மேலும், ‘கஸ்டடி’ படத்தின் கதையை மலையாளத்தில் வெளியான ‘நயட்டு’ படத்தின் கதையின் தாக்கத்தில் எழுதியதாகவும் தெரிவித்திருந்தார்.
Farhana: வேதனையா இருக்கு.. ‘பர்ஹானா’ பட சர்ச்சை குறித்து தயாரிப்பு நிறுவனம் பரபர விளக்கம்.!
மேலும், இந்தப்படம் பாட்டி வடை சுட்ட கதை தான். ஆனால் அந்த வடையை எப்படி வித்தியாசமாக சுட்டிருக்கிறோம் என்பதே ‘கஸ்டடி’ படத்தின் கதை என கலகலப்பாக தெரிவித்திருந்தார். இந்நிலையில் வெங்கட் பிரபுவின் பேச்சை மையமாக வைத்து ட்விட்டரில் ஒருவர், ‘கஸ்டடி’ படம் மலையாளத்தில் வெளியான ‘நயட்டு’ படத்தின் இன்ஸ்பரேஷனில் உருவானது என பதிவிட்டுள்ளார்.
அவரின் இந்த பதிவிற்கு பதிலளித்துள்ள இயக்குனர் வெங்கட் பிரபு, அது உண்மை இல்லை. எல்லாருக்கும் நாளை தெரியும். நான் சொன்னதை தவறாக புரிந்து கொண்டீர்கள். அதனால், படத்தை பார்த்துவிட்டு பேசுங்கள் என பதிவிட்டுள்ளார். அவரின் இந்த பதிவு தற்போது இணையத்தில் வைரலாகி வருகிறது. ‘கஸ்டடி’ படம் ஆக்ஷன் ஜானரில் உருவாகியுள்ளது குறிப்பிடத்தக்கது.
‘கங்குவா’ படத்திற்காக வெறித்தனமாக தயாராகும் சூர்யா: மிரள வைக்கும் லேட்டஸ்ட் லுக்.!