இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விஜய்யின் லியோ திரைப்படம் தற்போது விறுவிறுப்பான கட்டத்தை எட்டியுள்ளது. கடந்த டிசம்பர் மாதம் இப்படத்தின் பூஜை போடப்பட்டு ஜனவரி முதல் விறுவிறுப்பாக படப்பிடிப்பு நடத்தப்பட்டு வருகின்றது. பொதுவாக லோகேஷ் தன் படங்களின் ஷூட்டிங்கை மின்னல் வேகத்தில் முடித்துவிடுவார் என்ற பேச்சு கோலிவுட் வட்டாரத்தில் இருந்து வருகின்றது.
அதற்கு ஏற்றாற்போல லியோ படத்தின் படப்பிடிப்பையும் மளமளவென முடித்து வருகின்றார் லோகேஷ். முதல்கட்ட படப்பிடிப்பை காஷ்மீரில் நடத்தி முடித்துவிட்டு தற்போது அடுத்தடுத்த படப்பிடிப்புகளை சென்னையில் நடத்தி வருகின்றார் லோகேஷ்.
Rajini: மீண்டும் ரீரிலீசாகும் ரஜினியின் மெகாஹிட் திரைப்படம்..கொண்டாட தயாராகும் ரசிகர்கள்..!
எனவே மே மாதம் இறுதிக்குள் இப்படத்தின் ஒட்டுமொத்த படப்பிடிப்பும் முடிவடைந்து விடும் என தெரிகின்றது. இந்நிலையில் இந்திய சினிமாவே எதிர்பார்த்து காத்துக்கொண்டிருக்கும் ஒரு படம் லியோ என்பதால் இதைப்பற்றிய பேச்சுதான் எங்கு திரும்பினாலும் போய்க்கொண்டிருக்கிறது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
என்னதான் அதிகாரபூர்வமாக படத்தின் கதையை பற்றி எந்த ஒரு தகவலும் வெளியாகாமல் இருந்தாலும் இணையத்தில் ஆங்காங்கே தகவல்கள் கசிந்த வண்ணம் உள்ளன. அது உண்மையா இல்லையா என்ற கேள்வி ஒருபக்கம் இருந்தாலும் அந்த தகவல்கள் ரசிகர்களின் எதிர்பார்ப்பை மேலும் அதிகரித்த வண்ணமே இருக்கின்றன.
அப்படி ஒரு தகவல் தான் தற்போது வெளியாகியுள்ளது. அதாவது லியோ திரைப்படத்தின் கதையம்சம் ரஜினியின் பாட்ஷா படத்தை போல இருக்கும் என்று பிரபல பத்திரிகையாளர் பிஸ்மி தெரிவித்துள்ளார்.
பாட்ஷா படத்தில் ரஜினி எப்படி பாட்ஷா என்ற அடையாளத்தை மறைத்து மாணிக்கமாக சாதாரண மனிதராக வாழ்ந்தாரோ, அதே போல விஜய்யும் லியோ படத்தில் தான் ஒரு மிகப்பெரிய டான் என்ற அடையாளத்தை மறைத்து சாதாரண மனிதராக வாழ்ந்து வருவாராம்.
மேலும் பாட்ஷா படத்தில் ரஜினியின் நண்பராக சரண் ராஜ் நடித்ததை போல லியோ படத்தில் விஜய்யின் நண்பராக அர்ஜுன் நடிக்கின்றாராம். ஆனால் லியோ படத்தில் விஜய்யின் நண்பராக இருந்த அர்ஜுன் போக போக துரோகியாக மாறிவிடுவதை போல கதையம்சம் கொண்டதாக இருக்கும் என பிரபல பத்திரிகையாளர் பிஸ்மி கூறியுள்ளார்.
ஆனால் இந்த தகவல் எந்தளவிற்கு உண்மை என தெரியவில்லை என்று அவரே கூறியிருக்கின்றார். இந்நிலையில் தற்போது இந்த தகவல் தான் இணையத்தில் செம வைரலாகி வருகின்றது குறிப்பிடத்தக்கது.