இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
பரபரப்புசூரரைப்போற்று, ஜெய் பீம் என இரண்டு தரமான படைப்புகளை கொடுத்து மீண்டும் வெற்றிப்பாதைக்கு திரும்பினார் சூர்யா. அதற்கு முன்பு சூர்யாவின் நடிப்பில் வெளியான சில படங்கள் தொடர் தோல்வியை சந்தித்து வந்ததால் அவருக்கு அவசியம் ஒரு வெற்றி தேவைப்பட்டது. அந்த வெற்றியை தான் சுதா கொங்காரா இயக்கத்தில் வெளியான சூரரைப்போற்று திரைப்படம் சூர்யாவிற்கு பெற்று தந்தது. அதைத்தொடர்ந்து ஜெய் பீம் என்ற வெற்றி படத்தை கொடுத்த சூர்யா விக்ரம் படத்தில் ரோலக்ஸ் என்ற கதாபாத்திரத்தில் கெஸ்ட் ரோலில் நடித்து மிரட்டியிருந்தார்
எதிர்பார்ப்புவிக்ரம் படத்தில் ரோலக்ஸ் என்ற நெகட்டிவ் கதாபாத்திரத்தில் நடித்த சூர்யாவை ரசிகர்கள் கொண்டாடி தீர்த்தனர். என்னதான் ஐந்தே நிமிடங்கள் தான் சூர்யா விக்ரம் படத்தில் நடித்திருந்தாலும் ரசிகர்களின் மனதில் மிகப்பெரிய தாக்கத்தை ஏற்படுத்திவிட்டார். இதைத்தொடர்ந்து அவர் அடுத்தடுத்து நடித்து வரும் படங்களின் மீது எதிர்பார்ப்பு கூடியுள்ளது. தற்போது சிறுத்தை சிவா இயக்கத்தில் உருவாகும் கங்குவா என்ற பிரமாண்டமான படத்தில் நடித்து வருகின்றார் சூர்யா. இரண்டு பாகங்களாக 3D தொழில்நுட்பத்தில் உருவாகும் இப்படத்தின் படப்பிடிப்பு தற்போது விறுவிறுப்பாக நடைபெற்று வருகின்றது. இதையடுத்து இப்படம் அடுத்தாண்டு துவக்கத்தில் வெளியாகும் என எதிர்பார்க்கப்படுகின்றது
பிரம்மாண்டம்சூர்யா தற்போது வெறும் கமர்ஷியல் படங்களாக மட்டும் நடிக்காமல் வித்யாசமான கதையம்சம் கொண்ட படங்களிலும், மிகப்பிரமாண்டமான படத்திலும் மட்டுமே நடித்து வருகின்றார். ஜெய் பீம், சூரரைப்போற்று போன்ற வித்யாசமான கதைக்களங்கள் கொண்ட படங்களில் நடிக்கும் சூர்யா மறுபக்கம் கங்குவா, வாடிவாசல் என பிரம்மாண்டமாக தயாராகும் படங்களிலும் நடித்து வருகின்றார். இதில் இந்திய சினிமாவே எதிர்பார்த்துக்கொண்டிருக்கும் வெற்றிமாறனின் வாடிவாசல் படத்தில் சூர்யா அடுத்ததாக நடிக்கவுள்ளார். இப்படம் தமிழ் சினிமா மட்டுமின்றி இந்திய சினிமாவிலேயே மிகப்பெரிய தாக்கத்தை ஏற்படுத்தும் என எதிர்பார்க்கப்படுகின்றது
லைன் அப்ஸ்தற்போது கங்குவா படத்தில் நடித்து வரும் சூர்யா இப்படத்தை முடித்துவிட்டு வாடிவாசல் படத்தில் நடிக்கவுள்ளார். இதைத்தொடர்ந்து சூர்யா மூன்று வித்யாசமான ஜானரில் நடிக்க இருப்பதாக தகவல்கள் வருகின்றன. அதாவது இன்று நேற்று நாளை படத்தை இயக்கிய ரவிக்குமார் இயக்கத்தில் ஒரு படத்திலும், லோகேஷ் கனகராஜ் இயக்கத்தில் இரும்புக்கை மாயாவி என்ற படத்திலும் சூர்யா நடிக்க இருப்பதாக தகவல் வருகின்றன. மேலும் பா.ரஞ்சித் இயக்கத்தில் ஜெ ர்மன் என்ற ஒரு படத்திலும் சூர்யா நடிக்க வாய்ப்பிருப்பதாக தெரிகின்றது. இதில் ரவிக்குமார் இயக்கத்தில் உருவாகும் படம் சைன்ஸ் பிக்ஷன் படமாகவும், லோகேஷின் படத்தில் சூர்யா நெகட்டிவ் கதாபாத்திரத்தில் நடிப்பதாகவும் கூறப்படுகின்றது. இதைத்தொடர்ந்து ரஞ்சித் இயக்கத்தில் உருவாகும் ஜெர்மன் படம் முற்றிலும் மாறுபட்ட ஜானரில் உருவாக இருக்கின்றதாம். இந்நிலையில் சூர்யாவின் அடுத்தடுத்த படங்கள் அவரை அடுத்தகட்டத்துக்கு கொண்டு செல்லும் என எதிர்பார்க்கப்படுகின்றது குறிப்பிடத்தக்கது