மறைந்த பிரபல இயக்குநரும், நடிகருமான மனோபாலாவுக்கு நாளை மாலை தென்னிந்திய நடிகர் சங்கம் சார்பில் நினைவேந்தல் நிகழ்ச்சி நடைபெற உள்ளது.
பிரபல நகைச்சுவை நடிகரும் இயக்குநருமான நடிகர் மனோபாலா கடந்த 3ஆம் தேதி உடல்நலக்குறைவால் காலமானார். பாரதிராஜாவின் உதவியாளராக தமிழ் சினிமாவில் அடியெடுத்து வைத்த மனோபாலா, பின்னர் நடிகராகி பலரையும் சிரிக்க வைத்தார்.
உடல்நலக்குறைவால் அவதிப்பட்டு வந்த மனோபாலா, காலமானது அவரது ரசிகர்களை கவலையில் ஆழ்த்தியது. மனோபாலாவின் மறைவுக்கு சினிமா பிரபலங்கள், அவரது ரசிகர்கள் எனப் பலரும் நேரிலும் சமூக வலைதளங்களிலும் இரங்கல் தெரிவித்தனர்.
இந்நிலையில், மனோபாலாவுக்கு தென்னிந்திய நடிகர் சங்கம் சார்பில் நினைவேந்தல் நிகழ்ச்சி நடைபெற உள்ளதாக நடிகர் சங்கம் சார்பில் அதிகாரப்பூர்வமாக அறிவிப்பு வெளியாகியுள்ளது.
நாளை (மே 14) ஞாயிற்றுக்கிழமை, மாலை 6 மணிக்கு தி.நகரில் உள்ள பி.டி தியாகராஜா ஹால் பகுதியில் நினைவேந்தல் நடக்க உள்ளது. மனோபாலாவுக்கு நெருக்கமான திரை நட்சத்திரங்கள் விழாவில் கலந்துகொள்வார்கள் என்று எதிர்பார்க்கப்படுகிறது.
newstm.in