நியூயார்க்:
வல்லவனுக்கு புல்லும் ஆயுதம் என்ற பழமொழிக்கு ஏற்ப, அமெரிக்காவில் ஒரு சம்பவம் நடந்திருக்கிறது. தனது 8 வயது தங்கையை கடத்த வந்தவனை 13 வயதே ஆன அண்ணன் காப்பாற்றிய சம்பவம் போலீஸாரையே வியப்பில் ஆழ்த்தியுள்ளது. தங்கையை தகப்பன் ஸ்தானத்தில் இருந்து காப்பவன் தான் அண்ணன் என்பதை இந்த சம்பவம் உணர்த்தி இருக்கிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
அமெரிக்காவில் அண்மைக்காலமாக பெண் குழந்தைகளுக்கு எதிரான பாலியல் குற்றங்களும், கொலைகளும் அதிக அளவில் நடந்து வருகின்றன.
கொடூர மனம் படைத்த சைக்கோ மனிதர்கள், சின்னஞ்சிறு சிறுமிகளை கடத்திச் சென்று பலாத்காரம் செய்து கொலை செய்யும் நிகழ்வுகள் பொதுமக்களை கதிகலங்கச் செய்துள்ளன. அந்த வகையில், அமெரிக்காவின் மிக்கிகான் மாகாணத்தில் ஒரு சம்பவம் நடந்திருக்கிறது.
வேலைக்கு செல்லும் பெற்றோர்:
மிக்கிகானின் உள்ள அல்பெனா நகரைச் சேர்ந்த ஒரு தம்பதியருக்கு இரண்டு பிள்ளைகள் உள்ளனர். மூத்த மகனுக்கு 13 வயதும், இரண்டாவது மகளுக்கு 8 வயதும் ஆகிறது. தம்பதியர் இருவரும் பணிபுரிந்து வருவதால் அவர்கள் இரவுதான் வீடு திரும்புவார்கள். பள்ளியில் இருந்து மாலை வீடு திரும்பும் குழந்தைகள், பெற்றோர் வரும் வரை வீட்டில் படித்துக் கொண்டோ அல்லது விளையாடிக் கொண்டோ இருப்பது வழக்கம்.
சிறுமியை கடத்திய மர்மநபர்:
இந்நிலையில், கடந்த புதன்கிழமை மாலையில் பிள்ளைகள் இருவரும் பள்ளியில் இருந்து வீடு திரும்பி இருக்கின்றனர். இரவு 7 மணியளவில் தனது வீட்டுக்கு பின்புறம் உள்ள தோட்டத்தில் சிறுமி விளையாடிக் கொண்டிருந்தாள். அப்போது அங்கு ஜோக்கர் முகமூடி அணிந்து வந்த மர்ம நபர், வீட்டு காம்பவுண்ட் சுவரை ஏறி குறித்து அந்த சிறுமியை அப்படியே தூக்கி அங்கிருந்து ஓடினான்.
இனி இந்துக்களுக்கு கஷ்டக்காலம் தான்.. கர்நாடகா தேர்தல் முடிவுக்கு குறித்து அமர் பிரசாத் ரெட்டி கருத்து!
களத்தில் இறங்கிய அண்ணன்:
இதில் சிறுமி சத்தம் போடவே, வீட்டுக்குள் இருந்த அவளது அண்ணன், பெட்ரூம் ஜன்னல் வழியாக பார்த்த போது யாரோ ஒருவன் தனது தங்கையை கடத்தி செல்கிறான் என்பதை உணர்ந்தான். உடனே செயல்பட்ட அந்த சிறுவன், தான் பறவைகளை அடிப்பதற்காக வைத்திருந்த உண்டிகோலையும், இரும்பு குண்டுகளையும் எடுத்துக் கொண்டு அந்த நபரை துரத்திச் சென்றான்.
ஒரே ஆள் ஒரே உண்டிகோல்:
சிறுவன் தன்னை துரத்துவதை பார்த்த அந்த நபர், இவன் என்ன செய்துவிட போகிறான் என அலட்சியமாக சென்றான். அப்போது கண்ணிமைக்கும் நேரத்தில் தனது உண்டிகோலை எடுத்து அந்த சிறுவன், ஆறரை அடி உயரத்தில் இருந்த அந்த மர்மநபர் மீது சரமாரியாக உண்டிகோலால் தாக்கினான். இதில் இரும்புகுண்டுகள் அவனது தலையையும், நெஞ்சையும் பதம் பார்க்கவே, நிலைக்குலைந்த அவன், சிறுமியை கீழே இறக்கிவிட்டு அங்கிருந்து ஓடினான்.
போலீஸார் பாராட்டு:
அதன் பின்னர், அந்த சிறுவன் நடந்த சம்பவம் குறித்து போலீஸாருக்கு தகவல் தெரிவிக்க, 5 நிமிடங்களில் அங்கு வந்த போலீஸார் அங்கு தீவிர தேடுதல் வேட்டையில் ஈடுபட்டனர். அப்போது அங்கிருந்த தொழிற்சாலை வளாகத்தில் பதுங்கி இருந்த அந்த மர்மநபரை போலீஸார் கைது செய்தனர். வீட்டில் பெரியவர்கள் இல்லாத போதும், கடத்தல்காரனிடம் இருந்து தனது தங்கையை காப்பாற்றிய சிறுவனுக்கு போலீஸார் பாராட்டு தெரிவித்தனர்.