ஆடை கட்டுப்பாடுகள் தீவிரமாக கடைபிடிக்கப்படும் சவுதி அரேபியாவில், பிரபல கால்பந்து வீரர் கிறிஸ்டியானோ ரொனால்டோவின் காதலி ஜார்ஜினா ரோட்ரிக்ஸ் பிகினி உடையுடன் இருக்கும் புகைப்படத்தை இணையத்தில் பகிர்ந்து இருப்பது பெரும் சலசலப்பை ஏற்படுத்தியுள்ளது.
ரொனால்டோவுக்கு சிறப்பு அனுமதி
மான்செஸ்டர் யுனைடெட் அணியிடம் இருந்து பிரிந்து சவுதி அரேபியாவில் உள்ள அல் நாசர் கால்பந்து கிளப்பில் சமீபத்தில் பிரபல கால்பந்து வீரர் கிறிஸ்டியானோ ரொனால்டோ(Cristiano Ronaldo) இணைந்தார்.
பழமைவாத நாடான சவுதி அரேபியாவில் திருமணம் ஆகாமல் ஆணும் பெண்ணும் இணைந்து வாழ்வது குற்றமாக கருதப்படும் நிலையில், ரொனால்டோ அவரது காதலி ஜார்ஜினா ரோட்ரிக்ஸ்(Georgina Rodriguez) உடன் இணைந்து சவுதி அரேபியாவுக்கு குடியேறுவது குறித்து முதலில் சந்தேகங்கள் எழுப்பப்பட்டது.
Cheers to Love😘 pic.twitter.com/10POQsjU5b
— Cristiano Ronaldo (@Cristiano) April 30, 2023
ஆனால் ரொனால்டோவுக்கு வழங்கப்பட்ட சிறப்பு அனுமதியின் அடிப்படையில், அவர்களது 5 குழந்தைகள் மற்றும் காதலி ஜார்ஜினா ரோட்ரிக்ஸ் உடன் ஐரோப்பாவில் இருந்து சவுதி அரேபியாவுக்கு குடியேறினார்.
சர்ச்சையில் சிக்கிய ரொனால்டோ காதலி
இந்நிலையில் அவ்வப்போது சிறிய சிறிய சர்ச்சைகளில் சிக்கி கொள்ளும் ரொனால்டோவின் காதலி ஜார்ஜினா ரோட்ரிக்ஸ், தற்போது பிகினி உடையுடன் இருக்கும் புகைப்படம் ஒன்றை அவரது இன்ஸ்டாகிராம் பக்கத்தில் பகிர்ந்து சர்ச்சையில் சிக்கியுள்ளார்.
சவுதி அரேபியாவில் தீவிரமான ஆடை கட்டுப்பாடுகள் கடைப்பிடிக்கப்படும் நிலையில், ஜார்ஜினா ரோட்ரிக்ஸ் பிகினி உடையுடன் நீச்சல் குளம் அருகில் இருக்கும் புகைப்படத்தை சமூக வலைதளத்தில் பகிர்ந்து இருப்பது சவுதி சமூகத்தின் சில பழமைவாத பிரிவுகளிடையே சீற்றத்தை ஏற்படுத்தியிருக்கலாம் என தகவல் வெளியாகியுள்ளது.
மேலும், இவை சவுதி அரேபியாவின் அரை நிர்வாண படங்களை சமூக ஊடகங்களில் வெளியிடுவதற்கான தடை சட்டத்தை மீறியிருக்கலாம் என்றும் தெரிவிக்கப்பட்டுள்ளது.
ஜார்ஜினா ரோட்ரிக்ஸ்-வை இன்ஸ்டாகிராமில் 49.3 மில்லியன் மக்கள் பின்தொடரும் நிலையில், அவர் பதிவிட்டுள்ள பிகினி புகைப்படத்திற்கு 5 மில்லியன் விருப்பங்கள் குவிந்துள்ளது.
Georgina Rodriguez(Instagram)