பயணிகளின் வசதிக்காக ரயில்வே நிலையங்களில் சைன் போர்டுகள் அமைக்கப்படும் என மத்திய அமைச்சர் அஷ்வினி வைஷ்ணவ் தெரிவித்துள்ளார்.
ரயில் நிலையங்கள்நாட்டின் மிகப்பெரிய பொதுத்துறை நிறுவனமான ரயில் போக்குவரத்தை நம்பி ஏராளமான பொதுமக்கள் உள்ளனர். நாள்தோறும் லட்சக்கணக்கானோர் பயணம் செய்யும் ரயில்வே துறையை மேம்படுத்த மத்திய ரயில்வே அமைச்சகம் பல்வேறு நடவடிக்கைகளை மேற்கொண்டு வருகிறது. அந்த வகையில் அம்ரீத் பாரத் ரயில் நிலையத் திட்டத்தின் கீழ் நாட்டில் உள்ள அனைத்து ரயில் நிலையங்களையும் மேம்படுத்த திட்டமிடப்பட்டுள்ளது.
ஒரே மாதிரியான பலகைகள்
அதன்படி இந்தியா முழுவதும் 1,275 ரயில் நிலையங்களை மறு சீரமைப்பு செய்து வரும் இந்திய ரயில்வே, பயணிகளுக்கு வசதியாக அனைத்து நிலையங்களிலும் ஒரே மாதிரியான பலகைகளை வைக்க முடிவு செய்துள்ளது. ரயில் நிலையங்களில் பயணிக்கும் பயணிகளின் வசதியை கருத்தில் கொண்டு ரயில்வே நிர்வாகம் இந்த அதிரடி முடிவை எடுத்துள்ளது. இதுதொடர்பாக நடைபெற்ற நிகழ்ச்சியில் நாடு முழுவதும் அனைத்து ரயில் நிலையங்களிலும் பெயர் பலகைகள் மற்றும் அடையாள சின்னங்களை ஒரே மாதிரியாக வைப்பது தொடர்பான புத்தக கையேட்டை ரயில்வே அமைச்சர் அஸ்வினி வைஷ்ணவ் வெளியிட்டார்.
அடையாள சின்னங்கள்தொடர்ந்து அந்த நிகழ்ச்சியில் பேசிய அமைச்சர் அஷ்வினி வைஷ்ணவ், இந்தியாவில்தான் உலகிலேயே அதிகமான ரயில் நிலையங்கள் உள்ளதாக தெரிவித்தார். மேலும் பெண்கள், முதியோர், குழந்தைகள், மாற்றுத் திறனாளிகள் என அனைத்து தரப்பினரும் எளிதில் அடையாளம் காணும் வகையில், ரயில்வே நிலையங்களில் உள்ள பெயர் பலகைகளையும், அடையாள சின்னங்களையும் ஒரே மாதிரி இடம்பெற செய்ய முடிவு செய்யப்பட்டுள்ளதாகவும் அஷ்வினி வைஷ்ணவ் தெரிவித்தார்.
சைன் போர்டுகள்இதன் மூலம் ரயில்வேயின் புதிய படியாக, நாடு முழுவதும் புதிய வண்ண வடிவங்களில் சைன் போர்டுகள் மற்றும் டிஜிட்டல் சைன் போர்டுகள் அமைக்கப்படும் என அமைச்சர் அஷ்வினி வைஷ்ணவ் தெரிவித்துள்ளார். ஒவ்வொரு ரயில் நிலையத்திலும் கலர், எழுத்தின் அளவு, உருவங்கள் என அனைத்தும் ஒரே மாதிரியாக இருக்கும் என்றும் மத்திய அமைச்சர் அஷ்வினி வைஷ்ணவ் கூறியுள்ளார். மேலும் ரயில் நிலையங்களில் உள்ள பெயர் பலகைகளில் மாற்றுத்திறனாளி பயணிகளுக்கு வசதியாக அடையாள சின்னங்கள் வைக்கப்படும் என்றும், எளிமையான வார்த்தைகள், தெளிவாக தெரியும் நிறம் ஆகியவை பெயர் பலகைகளில் இடம்பெறும் என்றும் அமைச்சர் அஷ்வினி வைஷ்ணவ் தெரிவித்துள்ளார்.
காஷ்மீர் முதல் கன்னியாகுமரி வரைகாஷ்மீர் முதல் கன்னியாகுமரி வரையிலான அனைத்து ரயில் நிலையங்களிலும் ஒரே மாதிரியான பெயர் பலகைகள்தான் இடம் பெறும் என்றும் அத்தகைய சூழ்நிலையில், மக்கள் அனைத்து தகவல்களையும் மிக எளிதாகப் பெறுவார்கள் என்றும் அமைச்சர் அஷ்வினி வைஷ்ணவ் தெரிவித்துள்ளார். ரயில் நிலையங்களுக்குள் இருக்கும் இந்த சைன் போர்டுகள் பயணிகளுக்கு வழிகாட்டியாக செயல்படுவதுடன், ரயில் பயணம் தொடர்பான அனைத்து தகவல்களையும் கொடுக்கும் வகையில் அமைக்கப்படும் என்றும் அமைச்சர் அஷ்வினி வைஷ்ணவ் கூறியுள்ளார்.
ரயில்வே அமைச்சர்