சிங்களம், தமிழ், முஸ்லிம், பர்கர் என அனைத்துத் தரப்பு மக்களும், நாட்டில் பயங்கரவாதத்தை முடிவுக்குக் கொண்டு வந்து சமாதானத்தை ஏற்படுத்தி இலங்கையை யுத்தம் அற்ற ஒரு நாடாக மாற்றிய பணியை நினைவுகூருவது அனைத்து இன மக்களினதும் கடமையும் பொறுப்புமாகும் என்று வெகுஜன ஊடகத்துறை அமைச்சர் கலாநிதி பந்துல குணவர்தன தெரிவித்தார்.
அரசாங்க தகவல் திணைக்களத்தில் இன்று (16) நடைபெற்ற அமைச்சரவை தீர்மானங்களை அறிவிக்கும் ஊடகவியலாளர் மாநாட்டில், எதிர்வரும் மே 18ஆம் திகதி நடைபெறவுள்ள போர்வீரர்கள் தினத்தை முன்னிட்டு தேசிய நிகழ்வொன்றை நடத்த அரசாங்கம் திட்டமிட்டுள்ளதா என்று ஊடகவியலாளர் ஒருவர் எழுப்பிய கேள்விக்கு பதிலளிக்கும் போதே அவர் மேற்கண்டவாறு தெரிவித்தார்.
அதன்படி ஒவ்வொரு வருடமும் அரசாங்கம் அந்தப் பொறுப்பை நிறைவேற்றி வருகின்றதுடன், இவ்வருடமும் மே 18 ஆம் திகதி போர்வீரர்கள் தின வைபவம் அவ்வாறே மேற்கொள்ளப்படும் என்றும் அமைச்சர் வலியுறுத்தினார்.