இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
மெகா ஸ்டார் சிரஞ்சீவியின் தம்பியும், நடிகருமான நாகேந்திர பாபுவின் மகன் வருண் தேஜ். தெலுங்கு படங்களில் நடித்து வரும் வருண் தேஜுக்கும், நடிகை லாவண்யா திரிபாதிக்கும் இடையே காதல் என்று பேசப்பட்டு வந்தது.
“100 கோடி சம்பளம் வாங்குறாங்க..என்ன பிரச்சனை தெரியல” – மன்சூர் அலிகான்!
இருவரும் ஜோடியாக பார்ட்டிகளுக்கு சென்றார்கள். வருண் தேஜ் வீட்டு விசேஷங்களில் லாவண்யா கலந்து கொண்டார். நீங்கள் இருவரும் காதலிக்கிறீர்களா என்று கேட்டதற்கு, அப்படி எல்லாம் இல்லை, நாங்கள் நல்ல நண்பர்கள் என்றார்கள்.
நல்ல நண்பர்கள் என்றாலே இது காதல் தான். வருண் தேஜ், லாவண்யா ஜோடி க்யூட்டாக இருக்கிறது. அவர்கள் திருமணம் செய்துகொள்ள வேண்டும் என்று ரசிகர்கள் விரும்பினார்கள். அவர்களின் ஆசை நிறைவேறப் போகிறது.
வருண் தேஜுக்கும், லாவண்யா திரிபாதிக்கும் ஜூன் மாதம் ஹைதராபாத்தில் நிச்சயதார்த்தம் நடக்கவிருக்கிறதாம். இந்த நிகழ்ச்சியில் இருவீட்டாரும், நெருங்கிய நண்பர்களும் தான் கலந்து கொள்வார்களாம். இதையடுத்து இந்த ஆண்டின் இறுதியில் வருண், லாவண்யாவின் திருமணம் நடக்குமாம்.
திருமணத்தை பிரமாண்டமாக நடத்த முடிவு செய்திருக்கிறார்கள். அதில் திரையுலக பிரபலங்கள் பலர் கலந்து கொள்ளவிருக்கிறார்கள் என வருண் தேஜுக்கு நெருக்கமான ஒருவர் தெரிவித்துள்ளார்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மிஸ்டர், Antariksham 9000 KMPH ஆகிய படங்களில் வருண் தேஜும், லாவண்யா திரிபாதியும் சேர்ந்து நடித்திருக்கிறார்கள். அவர்களுக்கு இடையேயான கெமிஸ்ட்ரி ரசிகர்களுக்கு மிகவும் பிடித்துவிட்டது.
வருண் தேஜின் தங்கையும், நடிகையுமான நிஹாரிகாவுக்கு மிகவும் நெருக்கமானவர் லாவண்யா. மேலும் வருணின் சகோதர்களான ராம் சரண், அல்லு அர்ஜுன், அல்லு சிரிஷ், சாய் தேஜ், வைஷ்ணவ் தேஜ் ஆகியோருக்கும் லாவண்யா திரிபாதி நல்ல பழக்கமானவர்.
வருண் தேஜ், லாவண்யா திரிபாதியின் நிச்சயதார்த்தம் குறித்து விரைவில் அதிகாரப்பூர்வ அறிவிப்பு வெளியாகும் என்று கூறப்படுகிறது.
இந்த நிச்சயதார்த்த செய்தி அறிந்த மெகா குடும்பத்து ரசிகர்கள் டபுள் சந்தோஷத்தில் இருக்கிறார்கள். ராம் சரணின் மனைவி உபாசனா கர்ப்பமாக இருக்கிறார். விரைவில் ஜூனியர் வரப் போகிறார். இந்நிலையில் வருண் தேஜுக்கு நிச்சயதார்த்தம் நடக்கவிருக்கிறது. அடுத்தடுத்து நல்ல விஷயங்களாக நடக்கிறது என ரசிகர்கள் சந்தோஷத்தில் இருக்கிறார்கள்.
கெரியரை பொறுத்தவரை பிரவீன் இயக்கத்தில் Gandeevadhari Arjuna படத்தில் நடித்து வருகிறார் வருண் தேஜ். அவரின் பிறந்தநாள் அன்று தான் படம் குறித்த அதிகாரப்பூர்வ அறிவிப்பு வெளியிடப்பட்டது.
குழந்தை நட்சத்திரமாக திரையுலகிற்கு வந்தவர் வருண் தேஜ். வளர்ந்த பிறகு முகுந்தா படம் மூலம் ஹீரோவாக அறிமுகமானார். அவரும், வெங்கடேஷும் சேர்ந்து நடித்த எஃப் 2 படம் சூப்பர் டூப்பர் ஹிட்டானது. அதில் வெங்கடேஷுக்கு ஜோடியாக தமன்னாவும், வருண் தேஜுக்கு ஜோடியாக மெஹ்ரீன் பிர்சாதாவும் நடித்திருந்தார்கள்.
Jyothika: மும்பையில் செட்டிலான கையோடு ஜோதிகாவுக்கு அடித்த ஜாக்பாட்: இது ஆரம்பம் தான்
அதன் பிறகு வெங்கடேஷ், வருண் தேஜ், தமன்னா, மெஹ்ரீன் நடித்த எஃப் 3 படம் 2022ம் ஆண்டு வெளியாகி வெற்றி பெற்றது என்பது குறிப்பிடத்தக்கது.
லாவண்யா திரிபாதி தமிழ் ரசிகர்களுக்கு தெரிந்தவர் தான். சசிகுமாரின் பிரம்மன் படம் மூலம் கோலிவுட் வந்த லாவண்யா, பின்னர் சந்தீப் கிஷனின் மாயவன் படத்தில் நடித்தார். தற்போது தணல் படத்தில் நடித்து முடித்துள்ளார்.