ஜெனீவா : ”2023-2027 வரையிலான, அடுத்த ஐந்தாண்டுகள் அல்லது ஐந்தண்டுகளில் ஏதேனும் ஒரு ஆண்டு, உலக வெப்பநிலை அதிகரிக்க, 98 சதவீதம் வாய்ப்புள்ளது,” என, ஐ.நா.,வின் உலக வானிலை அமைப்பு எச்சரித்துள்ளது.
இது குறித்து, ஐ.நா.,வின் உலக வானிலை அமைப்பின் அறிக்கையில் கூறப்பட்டுள்ளதாவது:
உலகளவில், 2015 முதல் 2022 வரையிலான, எட்டு ஆண்டுகள் மிகவும், வெப்பமான ஆண்டுகளாக இருந்தன. அதில், 2016ம் ஆண்டு மிகவும் வெப்பமான ஆண்டாக இருந்தது.
இதைவிட,காலநிலை மாற்றம் தீவிரமடைவது, பசிபிக் பெருங்கடலில், இரண்டு முதல் ஏழு ஆண்டுகளுக்கு ஒரு முறை நடக்கும், ‘எல்-நினோ’ நிகழ்வு, பசுமை இல்ல வாயுக்கள் வெளியேற்றம் ஆகியவற்றால், அடுத்த ஐந்தாண்டுகளில் குறைந்தபட்சம், ஓர் ஆண்டோ அல்லது ஐந்து ஆண்டுகாலமுமோ, அதிக வெப்பம் பதிவாக, 98 சதவீதம் வாய்ப்பு உள்ளது.
எனினும் இது, 2030-ம் ஆண்டுக்குள் உலக சராசரி வெப்பநிலையை, 1.5 டிகிரி செல்சியஸ் அளவுகோலுக்குள் கட்டுப்படுத்துவதற்கு போடப்பட்ட, 2015 பாரிஸ் உடன்படிக்கையை மீறும் வகையில் இருக்கும் எனக்கூறமுடியாது.
ஏற்கனவே, நடப்பாண்டு, எல்-நினோ நிகழ்வு, ஜூலை மாதம் உருவாக, 60 சதவீத வாய்ப்புகளும், செப்டம்பரில் உருவாக, 80 சதவீத வாய்ப்புகளும் இருக்கும் எனக் கூறப்பட்டிருந்த நிலையில், இந்நிகழ்வால் அடுத்த ஆண்டு, உலக வெப்பநிலை அதி்கரிக்கும்..
 |
இதனால், சர்வதேச அளவில் சுகாதாரம், உணவு பாதுகாப்பு, நீர் மேலாண்மை மற்றும் சுற்றுச்சூழலுக்கு பெரிய அளவிலான பாதிப்புகளை ஏற்படும் ; அதை, எதிர்கொள்ள தயாராக இருக்க வேண்டும்.
கனடாவின் அலாஸ்கா, தென்னாப்பிரிக்கா, தெற்காசியா மற்றும் ஆஸ்திரேலியாவின் சில பகுதிகளை தவிர, அனைத்து பகுதிகளிலும், இந்தாண்டு, 1991-2020ம் ஆண்டு வரை இருந்த, சராசரி வெப்பநிலையை விட அதிகரிக்கும்.
இவ்வாறு, அந்த அமைப்பு கூறியுள்ளது.
புதிய செய்திகளுக்கு தினமலர் சேனலை Subscribe செய்யுங்கள்