விஜய், வெங்கட் பிரபு இணையவுள்ள படம் குறித்து தான் கோலிவுட் வட்டாரத்தில் பரபரப்பாக பேசப்பட்டு வருகிறது. விஜய்யின் ‘லியோ’ படப்பிடிப்பே இன்னமும் நிறைவடையாத நிலையில் அவரின் அடுத்த படம் குறித்த பேச்சுக்கள் இணையத்தில் றெக்கை கட்டி பறக்க ஆரம்பித்துள்ளன. இந்நிலையில் வெங்கட் பிரபு இயக்கத்தில் விஜய் நடிக்கவுள்ள படத்தின் இசையமைப்பாளர் குறித்த தகவல்கள் வெளியாகியுள்ளன.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விஜய் நடிப்பில் கடைசியாக ‘வாரிசு’ படம் வெளியானது. தமிழ், தெலுங்கு மொழியில் வம்சி பைடிபள்ளி இயக்கத்தில் ராஷ்மிகா மந்தனா, பிரகாஷ்ராஜ், சரத்குமார், பிரபு, ஜெயசுதா, ஷியாம், சங்கீதா உள்ளிட்ட பலர் இந்தப்படத்தில் நடித்திருந்தனர். மிகுந்த எதிர்பார்ப்பிற்கு மத்தியில் ரிலீசான இந்தப்படம் விஜய் ரசிகர்கள் மத்தியில் போதுமான வரவேற்பை பெறவில்லை.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனை தொடர்ந்து தற்போது லோகேஷ் கனகராஜ் இயக்கத்தில் நடித்து வருகிறார் விஜய். இந்த காம்போவிற்காக ரசிகர்கள் நீண்ட காலமாக காத்திருந்தனர். இவர்களின் கூட்டணியில் ஏற்கனவே மாஸ்டர் படம் ரிலீசாகியிருந்த நிலையில் தற்போது இரண்டாவது முறையாக ‘லியோ’ படத்தில் இணைந்துள்ளனர். கோலிவுட் சினிமா பெரிதும் எதிர்பார்க்கும் இந்தப்படத்தை முழுக்க முழுக்க தன்னுடைய பாணியில் அதிரடி ஆக்ஷன் படமாக உருவாக்கி வருகிறார் லோகேஷ் கனகராஜ்.
நீண்ட இடைவேளைக்கு பிறகு இந்தப்படத்தில் விஜய், திரிஷா கூட்டணி இணைந்துள்ளது. அத்துடன் கேஜிஎப் வில்லன் சஞ்சய் தத், பிரபல இயக்குனர்கள் கெளதம் மேனன், மிஷ்கின் மற்றும் ப்ரியா ஆனந்த், மேத்யூ தாமஸ், மன்சூர் அலிகான், சாண்டி மாஸ்டர் உள்ளிட்டோர் நடித்து வருகின்றனர். இதன் படப்பிடிப்பு முழு வீச்சில் நடைபெற்று வரும் நிலையில் விஜய் அடுத்து நடிக்கவுள்ள படத்தை வெங்கட் பிரபு இயக்கவுள்ளதாக தகவல்கள் வெளியாகி இணையத்தில் வைரலாகி வருகிறது.
Aishwarya Rajesh: ராஷ்மிகா மந்தனாவை குறை கூறவில்லை: ஐஸ்வர்யா ராஜேஷ் விளக்கம்.!
‘லியோ’ படப்பிடிப்பே இன்னமும் நிறைவடையாத நிலையில் விஜய்யின் ‘தளபதி 68’ படம் குறித்த பேச்சுக்கள் தான் இணையத்தை கலக்கி வருகிறது. இந்தப்படத்தை அட்லீ இயக்குவார் என கூறப்பட்ட நிலையில் தற்போது வெங்கட் பிரபு இயக்கவுள்ளதாக தகவல்கள் வெளியாகியுள்ளன. இந்நிலையில் இந்தப்படம் குறித்து வலைப்பேச்சு அந்தணன் பேசியுள்ளது இணையத்தில் வைரலாகி வருகிறது.
பொதுவாக வெங்கட் பிரபு படங்களுக்கு யுவன் ஷங்கர் ராஜா தான் இசையமைப்பார். எனவே விஜய் நடிப்பில் அவர் இயக்கவுள்ள படத்திற்கும் யுவன் இசையமைப்பார் என எதிர்பார்க்கப்பட்டது. இந்நிலையில் இதுக்குறித்து பேசியுள்ள வலைப்பேச்சு அந்தணன், வெங்கட் பிரவுவின் டீம் எதுவும் இந்தப்படத்தில் இடம்பெற போவதில்லை என்றும் தயாரிப்பு தரப்பினரின் விருப்பப்படியே இந்தப்படத்தை அவர் இயக்க போவதாகவும் கூறியுள்ளார். இதனால் சமீப காலமாக விஜய் படங்களுக்கு இசையமைத்து வரும் அனிருத்தே ‘தளபதி 68’ படத்திற்கு இசையமைப்பார் என எதிர்பார்க்கப்படுகிறது.
Kamal Haasan: நெல்சனுடன் இணையும் கமல்: ஆண்டவர் போடும் மெஹா பிளான்.!