ஆந்திர மாநிலத்தில் மறைந்த முன்னாள் முதல்வர் என்டிஆரின் நூற்றாண்டு விழாவை முன்னிட்டு நடிகர் ரஜினிகாந்த் சிறப்பு விருந்தினராக அதில் பங்கேற்று இருந்தார். என் டி ஆரின் மகன் பாலகிருஷ்ணாவும் மருமகன் முன்னாள் முதல்வருமான சந்திரபாபு நாயுடு அந்த விழாவில் பங்கேற்றிருந்தனர். விழாவில் என்டிஆர் இன் பெருமைகளை பேசிய ரஜினிகாந்த் , சந்திரபாபு நாயுடு -பாலகிருஷ்ணா ஆகியோரின் பெருமைகளையும் பேசினார் .
சந்திரபாபு நாயுடு ஆட்சியில் ஹைதராபாத் எப்படி வளர்ச்சி பெற்றது என்பது குறித்து எடுத்துச் சொன்னார் ரஜினி. இவ்வாறு பேசியது தற்போதைய ஆந்திராவில் ஆளும் அரசு ஜெகன்மோகன் ரெட்டி அரசுக்கு கடும் எரிச்சலை கொடுத்திருக்கிறது. இதனால் அக்கட்சியில் உள்ள நிர்வாகிகள் சிலர் ரஜினியை கடுமையாக விமர்சித்தனர் .
கட்சியின் நிர்வாகியும் ஜெகன்மோகன் ரெட்டி அமைச்சரவையில் சுற்றுலா, இளைஞர் மற்றும் மேம்பாட்டு துறை அமைச்சராக இருக்கும் ரோஜா ரஜினியை கடுமையாக விமர்சித்தார். ரஜினிக்கு அரசியல் தெரியாது அவர் ஒரு ஜீரோ என்று கடுமையாக விமர்சித்து இருந்தார். ரஜினிக்கு ஆந்திர அரசியல் பற்றி தெரியாமல் பேசியது தவறு என்றும் கடுமையாக ரோஜா விமர்சித்து வந்தார் .
இந்த நிலையில் திருச்செந்தூர் கோவிலுக்கு சென்று வழிபாடு வழிபட்டுள்ளார் ரோஜா. செய்தியாளர்கள் அவரை சந்தித்தபோது பல்வேறு கேள்விகள் குறித்து பதில் அளித்து வந்தவரிடம் , ரஜினிகாந்தை தொடர்ந்து விமர்சிப்பது குறித்து செய்தியாளர்கள் கேள்வி எழுப்ப, அதற்கு குலவை சத்தமிட்டு சென்றார்.
இந்த வீடியோ வலைத்தளங்களில் வைரல் ஆகி வருகிறது . இதை பார்த்த ரசிகர்கள், அந்த கேள்விக்கு பதில் அளித்து இருக்கலாம் . இல்லாவிட்டால் அந்த கேள்வியை தவிர்த்து பதில் அளிக்காமல் சென்றிருக்கலாம் . ஆனால் குலவை போட்டு ரஜினியை கிண்டல் செய்திருக்கிறார் என்று நெட்டிசன்கள் கடுமையாக கண்டனம் தெரிவித்து வருகின்றனர்.