தமிழ் சினிமா ரசிகர்கள் அதிகம் எதிர்பார்க்கும் படமாக ‘தங்கலான்’ உருவாகி வருகிறது. சீயான் விக்ரம், பா. ரஞ்சித் கூட்டணியில் உருவாகும் இந்தப்படத்தின் படப்பிடிப்பு விறுவிறுப்பாக நடந்து வருகிறது. இந்நிலையில் ‘தங்கலான்’ படம் குறித்து நடிகை மாளவிகா மோகனன் தனது ட்விட்டர் பக்கத்தில் பகிர்ந்துள்ளது இணையத்தில் வைரலாகி வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ் திரையுலகில் தொடர்ச்சியாக சமூக கருத்துள்ள படங்களை இயக்கி வருகிறார் பா. ரஞ்சித். இவர் கடைசியாக ‘நட்சத்திரம் நகர்கிறது’ என்ற படத்தை இயக்கியிருந்தார். கலையரசன், துஷாரா விஜயன், காளிதாஸ் ஜெயராம் உள்ளிட்டோர் நடிப்பில் வெளியான இந்தப்படம் கலவையான விமர்சனங்களை பெற்றது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனையடுத்து தற்போது ‘தங்கலான்’ படத்தினை இயக்கி வருகிறார். சீயான் விக்ரம் நடிப்பில் மிகப்பெரிய எதிர்பார்ப்பிற்கு மத்தியில் இந்தப்படம் உருவாகி வருகிறது. கடந்தாண்டு பூஜையுடன் விக்ரமின் 61 வது படமாக ‘தங்கலான்’ படம் துவங்கியது. ஸ்டுடியோ கிரீன் சார்பில் ஞானவேல் ராஜா தயாரிப்பில் பிரம்மாண்டமாக உருவாகி வருகிறது இந்தப்படம்.
Thalapathy 68: ‘தளபதி 68’ படம் குறித்து தீயாய் பரவும் தகவல்: உண்மையை சொன்ன பிரபலம்.!
பா. ரஞ்சித் படங்களுக்கு தொடர்ச்சியாக சந்தோஷ் நாராயணன் இசையமைத்து வந்த நிலையில் ‘தங்கலான்’ படத்திற்கு ஜிவி பிரகாஷ் குமார் இசையமைக்கிறார். இதன் படப்பிடிப்பு கடந்த சில மாதங்களாகவே விறுவிறுப்பாக நடந்து வருகிறது. இந்தப்படத்தில் விக்ரமுடன் பசுபதி, பார்வதி திருவோத்து, மாளவிகா மோகனன் உள்ளிட்டோர் நடித்து வருகின்றனர். 3டி தொழில் நுட்பத்தில் பீரியட் பிலிமாக ‘தங்கலான்’ படம் உருவாகி வருகிறது.
Lokesh Kanagaraj: கமலின் வெறித்தனமான ரசிகரின் படத்தை பாராட்டிய லோகேஷ்: பெரிய மனசு தான்.!
இந்நிலையில் ட்விட்டரில் ரசிகர்களின் கேள்விகளுக்கு பதிலளித்த மாளவிகா மோகனன் ‘தங்கலான்’ தொடர்பான கேள்விக்கு அளித்துள்ள பதில் இணையத்தில் வைரலாகி வருகிறது. அதில், ‘தங்கலான்’ படம் சிறப்பாக உருவாகி வருகிறது. தனித்துவமான உலகை இந்தப்படம் உருவாக்கும். இந்த மாதம் இறுதிக்கட்ட படப்பிடிப்பை நடத்த திட்டமிட்டிருந்தோம். ஆனால் திடீரென விக்ரமுக்கு காயம் ஏற்பட்டுவிட்டது. அவர் குணமடைந்த பிறகு விரைவில் மீண்டும் படப்பிடிப்பை துவங்குவோம் என தெரிவித்துள்ளார்.
மேலும் விக்ரம் குறித்து பேசும் போது, இந்த கடினமான பயணத்தை விக்ரம் இல்லாமல் நினைத்து கூட பார்க்க முடியவில்லை. எல்லா தருணத்திலும் எனக்கு அவர் உதவியாக இருந்தார். எப்போது படப்பிடிப்பு தளத்தை கலகலப்பாக வைத்து கொள்வார். அவரது நகைச்சுவை உணர்வை பற்றி சொல்ல வேண்டுமென்றால் ‘வேற லெவல்’ என தெரிவித்துள்ளார். அவரின் இந்த பதில் இணையத்தில் வைரலாகி வருகிறது.