இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
சிம்பு தற்போது அவரின் கெரியரில் ஏறுமுகத்தில் இருக்கின்றார். சில வருடங்களுக்கு முன்பு தொடர் தோல்விகளினால் துவண்டு உடல் எடை கூடி இருந்த சிம்பு மாநாடு படத்திற்கு பிறகு ஆளே மாறிவிட்டார்.
உடல் எடையை குறைத்து செம ஸ்லிம்மாக ஸ்டைலிஷாக மாறிய சிம்புவிற்கு செம வரவேற்பு இருந்து வருகின்றது.
வெங்கட் பிரபு இயக்கத்தில் வெளியான மாநாடு திரைப்படம் மாபெரும் வெற்றியை பெற்று சிம்புவிற்கு மிகப்பெரிய திருப்புமுனையை ஏற்படுத்தி கொடுத்தது. அதைத்தொடர்ந்து வெளியான வெந்து தணிந்தது காடு, பத்து தல ஆகிய படங்களும் வெற்றியை பெற ஹாட்ரிக் வெற்றியை பதிவு செய்தார் சிம்பு.
Lal salaam: லால் சலாம் படத்தின் மூலம் ரஜினியின் ஆசையை நிறைவேற்றிய ஐஸ்வர்யா..உச்சகட்ட மகிழ்ச்சியில் தலைவர்..!
இதன் காரணமாக சிம்புவின் மார்க்கெட் மளமளவென உயர்ந்து அவரின் சம்பளமும் அதிகரித்தது. தற்போது சிம்பு நாற்பது கோடி சம்பளமாக வாங்குவதாக தகவல்கள் வந்தன. ஆனால் ராஜ்
கமல்
பிலிம்ஸ் சார்பாக கமல் தயாரிக்கும் படத்திற்காக சிம்பு தன் சம்பளத்தை கணிசமாக குறைத்துள்ளாராம்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அதற்கு மிக முக்கிய காரணம் படத்தின் பட்ஜெட்டும், படத்தின் கதையம்சம் தானாம். மேலும் கமலின் தயாரிப்பில் நடிப்பதை பெருமையாக கருதும் சிம்பு அதிக சம்பளம் கேட்டு இந்த வாய்ப்பை விடக்கூடாது என்பதற்காகவே குறைவான சம்பளத்தை பெற்று இப்படத்தில் நடிக்கவுள்ளாராம்.
தேசிங்கு பெரியசாமி இயக்கும் இப்படத்தின் படப்பிடிப்பு ஜூலை மாதம் துவங்க இருப்பதாக தகவல்கள் வருகின்றன. கிட்டத்தட்ட நூறு கோடி பட்ஜெட்டில் உருவாகும் இப்படத்திற்காக சிம்பு தன் கெட்டப்பை மாற்றி, தற்காப்பு கலைகளை கற்றுக்கொண்டு தயாராக இருக்கின்றார். மேலும் சிம்புவின் திரைப்பயணத்தில் இப்படம் மிகமுக்கியமான படமாக இருக்கும் என்பதில் எந்த சந்தேகமும் இல்லை.
இந்நிலையில் சில நாட்களுக்கு முன்பு இப்படத்தின் நாயகியாக பாலிவுட் பிரபலம் தீபிகா படுகோனே நடிப்பதாக பேசப்பட்டு வந்தது. பல மொழிகளில் பான் இந்திய படமாக உருவாகும் இப்படத்தில் இந்தியளவில் பிரபலமான நடிகை நடித்தால் நன்றாக இருக்குமே என கருதி தீபிகா படுகோனேவை அணுகியுள்ளனர் படக்குழுவினர்.
ஆனால் தீபிகா படுகோனே மிகப்பெரிய தொகையை சம்பளமாக கேட்டுள்ளதால் படக்குழு அதிர்த்தியில் இருக்கின்றனராம். எனவே தீபிகா படுகோனேவிற்கு பதிலாக இப்படத்தில் கீர்த்தி சுரேஷ் நடிக்க இருப்பதாக தற்போது ஒரு செய்தி வெளியாகியுள்ளது.
கீர்த்தி சுரேஷும் தென்னிந்திய மொழிகளில் பிரபலமான நடிகை என்பதால் அவரும் இப்படத்திற்கு பொருத்தமாக இருப்பார் என படக்குழு முடிவெடுத்துள்ளது. மேலும் சிம்பு மற்றும் கீர்த்தி சுரேஷ் முதல் முறையாக இப்படத்தின் மூலம் நடிக்கவுள்ளனர் என்பதால் ரசிகர்களிடம் எதிர்பார்ப்பும் நிலவி வருகின்றது என்பது குறிப்பிடத்தக்கது.