இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விஜய் வாரிசு படத்தை அடுத்து தற்போது லியோ படத்தில் செம பிசியாக நடித்து வருகின்றார். லோகேஷ் கனகராஜ் இயக்கத்தில் அனிருத்தின் இசையில் உருவாகும் லியோ திரைப்படம் தற்போது இறுதிக்கட்ட படப்பிடிப்பை எட்டியுள்ளது.
விஜய்யின் கடைசி இரண்டு படங்களான பீஸ்ட் மற்றும் வாரிசு என்னதான் வசூல் ரீதியாக வெற்றிப்படம் என்றாலும் கலவையான விமர்சனங்களையே பெற்றது. எனவே லியோ திரைப்படத்தை விமர்சன ரீதியாகவும் வெற்றிப்படமாக்கும் முனைப்பில் இருக்கின்றார் விஜய்.
Lal salaam: லால் சலாம் படத்தில் நடிக்கும் இந்திய கிரிக்கெட் அணியின் முன்னாள் கேப்டன்..உச்சகட்ட எதிர்பார்ப்பில் ரசிகர்கள்..!
அதன் காரணமாகவே இப்படத்தில் தன்னை முழுவதுமாக லோகேஷிடமே ஒப்படைத்துள்ளார் தளபதி. மாஸ்டர் படத்தில் விஜய்க்காக சில கமர்ஷியல் அம்சங்களை சேர்த்திருந்த லோகேஷ் இம்முறை லியோ திரைப்படத்தை முழுக்க முழுக்க தன் ஸ்டைலில் உருவாக்கி வருகின்றார். இதுவே இப்படத்தின் மிகப்பெரிய எதிர்பார்ப்பிற்கு முக்கிய காரணமாக இருக்கின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் லியோ படத்தின் படப்பிடிப்பே இன்னும் முடிவடையாத நிலையில் தற்போது விஜய்யின் அடுத்த படத்தை பற்றிய பேச்சு பரபரப்பாக போய்க்கொண்டிருக்கிறது. விஜய்யின் அடுத்த படமான தளபதி 68 திரைப்படத்தை வெங்கட் பிரபு இயக்கவுள்ளது கிட்டத்தட்ட உறுதியாகியுள்ளது.
அட்லீ, கோபிசந்த் என பல இயக்குனர்களின் பெயர்கள் அடிபட்ட நிலையில் தற்போது வெங்கட் பிரபு தான் விஜய்யின் அடுத்த பட இயக்குனர் என்பது போல பேசப்பட்டு வருகிறது. மேலும் இப்படத்தை பிரபல தயாரிப்பு நிறுவனமான AGS தயாரிக்க இருக்கின்றது.
இந்நிலையில் இப்படத்தில் நடிப்பதற்காக விஜய் வாங்கவுள்ள சம்பளம் தான் தற்போது பேசும்பொருளாக மாறியுள்ளது. AGS நிறுவனம் விஜய்க்கு 200 கோடி சம்பளமாக கொடுக்கவுள்ளதாக தகவல்கள் வருகின்றன. இது உண்மையாகும் பட்சத்தில் இந்தியளவில் அதிக சம்பளம் வாங்கும் நடிகராக விஜய் உருவெடுப்பார்.
பீஸ்ட் படத்திற்கு 100 கோடியை சம்பளமாக வாங்கிய விஜய் வாரிசு படத்திற்கு 125 கோடி சம்பளமாக வாங்கியுள்ளார். இதையடுத்து தற்போது தளபதி 68 திரைப்படத்திற்காக விஜய் 200 கோடி சம்பளமாக வாங்கவுள்ளார். இந்நிலையில் விஜய்யின் சம்பளம் படத்திற்கு படம் உயர காரணம் அவரின் படங்கள் செய்யும் வசூல் தான்.
என்னதான் விஜய்யின் சில படங்கள் கலவையான விமர்சனங்களை பெற்றாலும் வசூலில் மிகப்பெரிய சாதனையை படைத்து வருகிறது. எனவே விஜய்யின் படத்தை தயாரிக்க பல தயாரிப்பு நிறுவனங்கள் போட்டிபோட்டு வருகின்றனர். சம்பளம் என்னவாக இருந்தாலும் சரி விஜய்யின் கால்ஷீட்டை எப்படியாவது வாங்கிவிடவேண்டும் என பலர் போட்டி போட்டு வருகின்றனர் என்பது குறிப்பிடத்தக்கது.