தமிழ் சினிமாவில் உச்ச நட்சத்திரமாக திகழ்பவர் ரஜினிகாந்த். இவரது நடிப்பில் தற்போது ‘ஜெயிலர்’ படம் உருவாகி வருகிறது. ரசிகர்களின் மிக நீண்ட எதிர்பார்ப்பிற்கு மத்தியில் இந்தப்படத்தை இயக்கி வருகிறார் நெல்சன் திலீப்குமார். இதனிடையில் தனது மகள் ஐஸ்வர்யா இயக்கும் ‘லால் சலாம்’ படத்திலும் கெஸ்ட் ரோலில் நடித்து வருகிறார் ரஜினிகாந்த்.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
ரஜினி நடிப்பில் கடைசியாக ‘அண்ணாத்த’ படம் ரிலீசாகியிருந்தது. சிறுத்தை சிவா இயக்கியிருந்த இந்தப்படத்தில் நயன்தாரா, கீர்த்தி சுரேஷ், குஷ்பு, மீனா உள்ளிட்ட மிகப்பெரிய நட்சத்திர பட்டாளங்களே நடித்திருந்தனர். அண்ணன், தங்கை பாசமாக வைத்து வெளியான இந்தப்படம் எதிர்பார்த்த வரவேற்பை பெறவில்லை. இதனால் ரஜினியின் அடுத்த படத்தை பெரிதும் எதிர்பார்த்து காத்திருக்கின்றனர் ரசிகர்கள்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தமிழ் சினிமாவில் டார்க் காமெடி படங்களை இயக்கி கவனம் ஈர்த்த் நெல்சன் திலீப்குமார் இயக்கத்தில் ‘ஜெயிலர்’ படம் உருவாகி வருகிறது. நெல்சன் இயக்கத்தில் கடைசியாக ‘பீஸ்ட்’ படம் ரிலீசாகியிருந்தது. விஜய் நடிப்பில் வெளியான இந்தப்படம் ஏகப்பட்ட நெகட்டிவ் விமர்சனங்களை குவித்து ட்ரோல் செய்யப்பட்டது. இதனால் ‘ஜெயிலர்’ படத்தை எப்படியாவது ஹிட்டாக்கி விட வேண்டும் என வெறித்தனமாக உருவாக்கி வருகிறார் நெல்சன்.
இதன் படப்பிடிப்பு விறுவிறுப்பாக நடந்து வந்த நிலையில் தனது மகள் ஐஸ்வர்யா இயக்கும் ‘லால் சலாம்’ படத்தில் கெஸ்ட் ரோலில் நடிக்க கமிட் ஆனார் ரஜினி. லைகா நிறுவனத்தின் தயாரிப்பில் உருவாகி வரும் இந்தப்படத்தில் விக்ராந்த், விஷ்ணு விஷால் முதன்மை கதாபாத்திரத்தில் நடித்து வருகின்றனர். கிரிக்கெட் விளையாட்டை மையமாக வைத்து உருவாகி வரும் இந்தப்படத்திற்கு ஏ.ஆர். ரஹ்மான் இசையமைக்கிறார்.
Lokesh Kanagaraj: கமலின் வெறித்தனமான ரசிகரின் படத்தை பாராட்டிய லோகேஷ்: பெரிய மனசு தான்.!
அண்மையில் இந்தப்படத்திற்கான ரஜினியின் ஸ்பெஷல் போஸ்டர் வெளியானது. அதில் ரஜினி மொய்தீன் பாய் கதாபாத்திரத்தில் நடிப்பதாக குறிப்பிடப்பட்டு அவரது தோற்றத்தையும் வெளியிட்டனர். தொப்பி, கண்ணாடி என மாஸான லுக்கில் இந்த போஸ்டரில் காட்சியளித்தார் ரஜினி. இதனையடுத்து ‘லால் சலாம்’ படப்பிடிப்பிற்காக மும்பை பறந்தார் ரஜினிகாந்த்.
மும்பையில் நடைபெற்ற படப்பிடிப்பில் முன்னாள் கிரிக்கெட் வீரர் கபில் தேவ்வும் கலந்துக்கொண்டார். இந்தப்படத்தில் அவரும் கெஸ்ட் ரோலில் நடிக்கிறார். இது தொடர்பான புகைப்படங்கள் சோஷியல் மீடியாவில் வைரலாகின. அதில் வெள்ளை ஜிப்பா, கண்ணாடி என செம கூலான மொய்தீன் பாய் லுக்கில் மாஸ் காட்டியிருந்தார் ரஜினி. இதனால் ரசிகர்களின் எதிர்பார்ப்பு எக்கச்சக்கமாக எகிறியுள்ளது.
இந்நிலையில் மும்பை ஷெட்யூலை முடித்துவிட்டு சென்னை திரும்பியுள்ளார் ரஜினி. விமான நிலையத்தில் அவருக்கு உற்சாகமான வரவேற்பு கொடுக்கப்பட்டுள்ளது. இது தொடர்பான வீடியோ சோஷியல் மீடியாவில் வைரலாகி வருகிறது. இதனிடையில் ரஜினியின் ‘ஜெயிலர்’ படம் வரும் ஆகஸ்ட் 10 ஆம் தேதி ரிலீசாகவுள்ளது குறிப்பிடத்தக்கது.
Suriya: துப்பாக்கி சூட்டில் உயிரிழந்த தீவிர ரசிகை: கண்ணீருடன் அஞ்சலி செலுத்திய நடிகர் சூர்யா.!