பட்ஜெட் விலை மாடலாக அறிமுகம் செய்யப்பட்டுள்ள ஹோண்டா ஷைன் 100 பைக்கின் டெலிவரி பல்வேறு முக்கிய நகரங்களில் துவங்கப்பட்டுள்ள நிலையில் இந்த மாடலுக்கு 10 வருட வாரண்டி வழங்குவதாக ஹோண்டா மோட்டார்சைக்கிள் அறிவித்துள்ளது.
அறிமுகத்தின் போது , ஹோண்டா ஷைன் 100 மாடலுக்கு ஆறு வருட வாரண்டியுடன் (3+3 ஆண்டுகள்) வழங்கியது, ஆனால் தற்பொழுது 10 வருடங்களுக்கான உத்தரவாதத்தை உறுதி செய்துள்ளது. மேலும், ராஜஸ்தான், உத்திரப் பிரதேசம், மற்றும் பிகார் உள்ளிட்ட மாடல்களுக்கு ரூ.2000 விலை சலுகை வழங்குகின்றது.
ஹோண்டா ஷைன் 100 பைக்
புதிய 98.98cc என்ஜின் பெற்ற ஹோண்டா ஷைன் 100 பைக் அதிகபட்சமாக 7.28 hp குதிரைத்திறன் மற்றும் 8.05 Nm டார்க் வெளிப்படுத்துகின்றது. இந்த பைக்கில் 4 வேக மேனுவல் கியர்பாக்ஸ் சேர்க்கப்பட்டுள்ளது. டைமண்ட் ஃபிரேம் சேஸ் கொடுக்கப்பட்டு 17 இன்ச் வீல் கொடுக்கப்பட்டுள்ள முன்புறத்தில் டெலிஸ்கோபிக் ஃபோர்க் மற்றும் டூயல் ஷாக் அப்சார்பர் பொருத்தப்பட்டுள்ளது.
ஷைன் 100 பைக்கிற்கு போட்டியாக ஹீரோ HF 100, பஜாஜ் பிளாட்டினா 100, ஹீரோ HF டீலக்ஸ் மற்றும் ஹீரோ ஸ்பிளெண்டர் பிளஸ் , டிவிஎஸ் ஸ்போர்ட் போன்றவை உள்ளன.
ஹோண்டா ஷைன் 100 பைக்கின் தமிழ்நாடு ஆன்-ரோடு விலை ₹ 82,564 ஆகும்.
மேலும் படிக்க – ஷைன் 100 Vs போட்டியாளர்கள் ஒப்பீடு