தமிழ் சினிமாவில் தொடர்ச்சியாக நல்ல கதையம்சம் கொண்ட படங்களை தேர்ந்தெடுத்து நடித்து வருபவர் அருள்நிதி. இவரின் நடிப்பில் வெளியாகும் படங்கள் அனைத்தும் விமர்சனரீதியாக நல்ல வரவேற்பை பெறும். இந்நிலையில் அருள்நிதி நடிப்பில் தற்போது உருவாகியுள்ள படம் ‘கழுவேத்தி மூர்க்கன்’.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தொடர்ச்சியாக த்ரில்லர் ஜானர் படங்களை தேர்ந்தெடுத்து நடித்து வரும் அருள்நிதி நடிப்பில் கடைசியாக ‘திருவின் குரல்’ படம் ரிலீசாகியிருந்தது. பாரதிராஜா, ஆத்மிகா உள்ளிட்டோர் நடிப்பில் வெளியான இந்தப்படம் விமர்சனரீதியாக பாசிட்டிவ் விமர்சனங்களை பெற்றது. இந்தப்படத்தை தொடர்ந்து அருள்நிதி நடிப்பில் தற்போது உருவாகியுள்ள படம் ‘கழுவேத்தி மூர்க்கன்’.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
கடந்த 2019 ஆம் ஆண்டு ஜோதிகா நடிப்பில் வெளியான படம் ‘ராட்சசி’. இந்தப்படத்தை இயக்கியவர் கவுதமராஜ். இவரது இயக்கத்தில் தற்போது உருவாகியுள்ள படம் ‘கழுவேத்தி மூர்க்கன்’. துஷாரா விஜயன் ஹீரோயினாக நடித்துள்ள இந்தப்படத்திற்கு டி. இமான் இசையமைத்துள்ளார். ஒலிம்பியா மூவிஸ் சார்பில் தயாராகியுள்ள இந்தப்படத்திற்கு யுகபாரதி பாடல்கள் எழுதியுள்ளார்.
‘வம்சம்’ படத்திற்கு பிறகு முழுக்க முழுக்க கிராமத்து கதையம்சம் கொண்ட படத்திற்கு திரும்பியுள்ளார் அருள்நிதி. கிராமத்து பின்னணியில் சாதி அரசியல் குறித்து பேசும் படமாக ‘கழுவேத்தி மூர்க்கன்’ உருவாகியுள்ளது. இந்தப்படம் வரும் 26 ஆம் தேதி திரையரங்குகளில் வெளியாகியுள்ளது.
Sunaina: நடிகை சுனைனா கடத்தப்பட்டாரா.?: தீயாய் பரவும் செய்தியால் பரபரப்பு.!
இந்நிலையில் இந்தப்படத்தை பார்த்துள்ள தயாநிதி அழகிரி இன்ஸ்டாகிராமில் அளித்துள்ள முதல் விமர்சனம் இணையத்தில் வைரலாகி வருகிறது. அதில், கிராமத்து பாணியில் தரமாக உள்ளது. கிளைமேக்ஸ் காட்சி டாப் நாட்ச். சந்தோஷ் பிரதாப் சிறப்பான நடிப்பை வழங்கியுள்ளார். அருள்நிதி நடிப்பில் இதுதான் பெஸ்ட். சிறந்த கதைகளை தேர்ந்தெடுத்து ரசிகர்களுக்கு அளித்து வரும் அருள்நிதியை நினைத்தால் பெருமையாக உள்ளது.
View this post on InstagramA post shared by Dhayanidhi Alagiri (@alagiridhaya)
இயக்குனர் கெளதமராஜா தரமாக ஒரு க்ரிப்பிங் படத்தை கொடுத்துள்ளார். நிச்சயமாக படத்தை தியேட்டரில் பார்த்து ரசிகர்கள் கொண்டாடுவார்கள் என பாராட்டி தள்ளியுள்ளார் தயாநிதி அழகிரி. அவரின் இந்த பதிவு ‘கழுவேத்தி மூர்க்கன்’ படத்தின் மீதான ரசிகர்களின் எதிர்பார்ப்பை எகிற செய்துள்ளது.
Rashmika Mandanna: எந்த விளக்கமும் தேவையில்லை: ஐஸ்வர்யா ராஜேஷுக்கு ராஷ்மிகாவின் பதில்.!