வாசிக்க நேரம் இல்லையா? செய்தியைக் கேளுங்கள்
பீஜிங்: சீனாவில் நடந்த உலக வில்வித்தை போட்டியில் இந்திய வீரர் பிரதமேஷ் ஜவஹர் , உலகின் முதல்நிலை வீரரை வீழ்த்தி தங்கப்பதக்கத்தை கைப்பற்றினார். இந்த போட்டியில் அவர் விளையாடிய அரிதான காட்சிகள் அடங்கிய வீடியோ வைரலாகி வருகிறது. அதனை வாசகர்களும் பார்க்கலாம்.
உலகக் கோப்பை வில்வித்தை போட்டி சீனாவின் ஷாங்காய் நகரில் நடந்து வருகிறது. இதில் நடந்த கலப்பு அணிகள் பிரிவின் இறுதிப்போட்டியில் இந்தியாவின் ஓஜாஸ் டீஙேடல்- ஜோதி சுரேகா வென்னம் ஜோடி, தென் கொரியாவின் கிம் ஜோங்ஹோ -ஓ யோயூன் இணையை 156-155 என்ற புள்ளிக்கணக்கில் வீழ்த்தி தங்கப்பதக்கத்தை வென்றது.
இதேபோல் தனி நபர் பிரிவின் இறுதிப்போட்டியில் 19 வயதே ஆன இந்திய வீரர் பிரதமேஷ் ஜவஹர், 2 முறை உலக சாம்பியனும், தரவரிசை பட்டியலில் முதல் இடத்தில் உள்ள நெதர்லாந்தின் மைக் கிளாசரை எதிர்கொண்டார். இந்த போட்டியில், 149 -148 என்ற புள்ளிக்கணக்கில் வெற்றி பெற்று தங்கப்பதக்கத்தை கைப்பற்றி நாட்டிற்கு பெருமை சேர்த்தார்.
அவர் விளையாடிய அரிதான காட்சிகள் சமூக வலைதளங்களில் வைரலாகி வருகிறது. பலரும், ஜவஹருக்கு பாராட்டு தெரிவித்து வருகின்றனர்.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
