இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
ரஜினி தற்போது ஒரே சமயத்தில் பல படங்களில் நடிக்க கமிட்டாகி வருகின்றார். தற்போது தான் நெல்சனின் இயக்கத்தில் ஜெயிலர் திரைப்படத்தில் நடித்து முடித்துள்ளார். இப்படத்தின் படப்பிடிப்பு முடிவடைந்து தற்போது போஸ்ட் ப்ரொடக்ஷன் வேலைகள் தீவிரமாக நடந்து வருகின்றது.
மேலும் இப்படம் ஆகஸ்ட் மாதம் 10 ஆம் தேதி திரையில் வெளியாகவுள்ளது. இதைத்தொடர்ந்து ஐஸ்வர்யா இயக்கத்தில் உருவாகும் ஜெயிலர் படத்திலும் நடித்து வருகின்றார் ரஜினி. இப்படத்தில் ஹீரோவாக ரஜினி நடிக்கவில்லை என்றாலும் சிற்பபு தோற்றத்தில் நடித்த வருகின்றார்.
Sivakarthikeyan: மீண்டும் வெற்றி கூட்டணியுடன் இணையும் சிவகார்த்திகேயன்..எதிர்பார்ப்பில் ரசிகர்கள்..!
கிரிக்கெட் விளையாட்டை அடிப்படையாக கொண்டு உருவாகும் இப்படத்தில் மொய்தீன் பாய் என்ற முஸ்லீம் ரோலில் நடிக்கின்றார் ரஜினி. தற்போது இப்படத்தின் படப்பிடிப்பு மும்பையில் நடைபெற்று வருகின்றது. இந்நிலையில் இப்படங்களை தொடர்ந்து ரஜினி ஞானவேலின் இயக்கத்தில் தன் 170 ஆவது திரைப்படத்தில் நடிக்கின்றார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இப்படம் முற்றிலும் மாறுபட்ட கதைக்களத்தில் ரஜினி இதுவரை நடித்திராத ரோலில் நடிப்பதாகவும் பேசப்பட்டு வருகின்றது. இதையடுத்து இப்படத்தில் பிரபல முன்னணி நடிகரான சீயான் விக்ரம் வில்லனாக நடிக்கின்றார் என செய்திகள் வந்தன.
சீயான் விக்ரம் ரஜினிக்கு வில்லனாக நடிக்கப்போகிறார் என்றவுடன் ரசிகர்களின் எதிர்பார்ப்பு பலமடங்கு உயர்ந்தது. ஆனால் தற்போது வந்த தகவலின் படி விக்ரம் இப்படத்தில் நடிக்கவில்லை என்றும் அதற்கு பதிலாக ஆக்ஷன் கிங் அர்ஜுன் நடிக்கப்போகிறார் என்றும் தகவல் வந்துள்ளது.
தற்போது ஆக்ஷன் கிங் அர்ஜுன் விஜய்யின் லியோ படத்தில் நடித்து வருகின்றார். லியோ படத்திலும் அர்ஜுன் வில்லனாக நடிப்பதாக வந்த தகவலை அடுத்து தற்போது ரஜினியின் 170 ஆவது திரைப்படத்திலும் அர்ஜுன் வில்லனாக நடிக்கப்போகிறார் என்ற செய்தி ரசிகர்களிடம் எதிர்பார்ப்பை ஏற்படுத்தியுள்ளது.
சமீபகாலமாக அர்ஜுன் வில்லனாக நடித்து வரும் படங்கள் ஹிட் வரிசையில் இடம்பெறுகின்றது. அதுவும் ஞானவேல் போன்ற ஒரு இயக்குனரின் இயக்கத்தில் அர்ஜுன் ரஜினிக்கு வில்லனாக நடிப்பது ரசிகர்களுக்கு விருந்தாக அமையும் என எதிர்பார்க்கப்படுகின்றது.
இருப்பினும் இத்தகவல் அதிகாரபூர்வமாக அறிவிக்கப்படவில்லை. இதையடுத்து இன்னும் சில நாட்களில் இப்படத்தின் படப்பிடிப்பு துவங்க இருக்கும் நிலையில் விரைவில் இதைப்பற்றிய அதிகாரபூர்வ அறிவிப்பு வெளியாகும் என எதிர்பார்க்கப்படுகின்றது குறிப்பிடத்தக்கது.