இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ் சினிமாவில் மளமளவென வெற்றிகளை குவித்து முன்னணி ஹீரோவாக உயர்ந்தார் சிவகார்த்திகேயன். ஒரு கட்டத்தில் சிவகார்த்திகேயனின் படங்கள் தொடர்ந்து தோல்வியை சந்தித்து வந்த நிலையில் அவருக்கு தேவைப்பட்ட வெற்றியை தந்தது டாக்டர் திரைப்படம்.
நெல்சனின் இயக்கத்தில் டார்க் காமெடி ஜானரில் வெளியான இப்படம் மிகப்பெரிய வெற்றியை பெற்று சிவகார்த்திகேயனின் மார்க்கெட்டை நிலை நாட்டியது. இதையடுத்து அறிமுக இயக்குனர் சிபி சக்கரவர்த்தி இயக்கத்தில் வெளியான டான் திரைப்படமும் வெற்றி பெற சிவகார்த்திகேயன் வெற்றிப்பாதைக்கு திரும்பினார்.
திடீரென பிளானை மாற்றிய சிம்பு & கமல்..சரியான முடிவு தான்..!
இந்நிலையில் ஒரே மாதிரியான கமர்ஷியல் படங்களில் நடித்தால் மட்டும் போதாது என எண்ணிய சிவகார்த்திகேயன் தற்போது வித்யாசமான கதைக்களங்களை கொண்ட படங்களில் நடித்து வருகின்றார். அந்த வகையில் மண்டேலா படத்தை இயக்கிய அஸ்வின் இயக்கத்தில் மாவீரன் படத்தில் நடித்து முடித்துள்ளார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இப்படம் ஜூலை மாதம் திரையில் வெளியாகவுள்ளது. இதையடுத்து ராஜ்
கமல்
பிலிம்ஸ் சார்பாக கமல் தயாரிக்க ராஜ்குமார் பெரியசாமி இயக்கத்தில் ஒரு படத்தில் நடிக்கவுள்ளார். ராணுவ வீரராக சிவகார்த்திகேயன் இப்படத்தில் நடிப்பதாகவும், அவரின் திரைப்பயணத்தில் மிக முக்கியமான படமாக இப்படம் இருக்கும் என்றும் எதிர்பார்க்கப்படுகின்றது.
இந்நிலையில் சிவகார்த்திகேயன் தற்போது தனது 21 ஆவது திரைப்படத்தில் நடிக்க இருக்கும் நிலையில் அவர் மீண்டும் சிபி சக்ரவர்த்தியின் இயக்கத்தில் ஒரு படத்தில் நடிப்பதாக தகவல் வந்துள்ளது. அட்லீயின் உதவி இயக்குனராக பணியாற்றிய சிபி சக்கரவர்த்தி சிவகார்த்திகேயனின் டான் திரைப்படத்தை இயக்கினார்.
கடந்தாண்டு வெளியான இப்படம் மிகப்பெரிய வெற்றியை பெற்றது. இதையடுத்து சிபி சக்கரவர்த்தி ரஜினியை இயக்க இருப்பதாக தகவல் வந்தது. ஆனால் சில பல காரணங்களால் இவர்கள் கூட்டணி இணையாமல் போன நிலையில் தற்போது மீண்டும் சிவகார்த்திகேயனுடன் கூட்டணி அமைக்கவுள்ளார் சிபி சக்கரவர்த்தி.
தற்போது சிவகார்த்திகேயன் கமலின் தயரிப்பில் நடித்து வரும் படத்தை முடித்துவிட்டு சிபி சக்ரவர்த்தியின் இயக்கத்தில் நடிப்பார் என எதிர்பார்க்கப்படுகின்றது. இந்நிலையில் சிபி சக்கரவர்த்தி ரஜினியிடம் கதை கூறியதாகவும், அக்கதையில் ரஜினி மாற்றங்களை செய்ய சொன்னதாகவும் தெரிகின்றது.
மேலும் சிபி சக்கரவர்த்தி கதையில் பல மாற்றங்களை செய்தும் ரஜினிக்கு அக்கதையில் உடன்பாடு இல்லாத காரணத்தால் சிபி சக்ரவர்த்தியின் இயக்கத்தில் ரஜினி நடிக்கவில்லை என்ற தகவல் பரவி வந்தது. எனவே தன் அடுத்த படத்தை மிகப்பெரிய வெற்றிப்படமாக கொடுத்து தன்னை நிரூபிக்கும் நோக்கத்தில் தன் அடுத்த பட வேலைகளை துவங்கியுள்ளார் சிபி சக்கரவர்த்தி என்பது குறிப்பிடத்தக்கது.