இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
லியோமாஸ்டர் படத்திற்கு பிறகு விஜய் மற்றும் லோகேஷ் கனகராஜ் லியோ படத்தின் மூலம் மீண்டும் இணைந்துள்ளனர். இம்முறை லோகேஷ் கனகராஜ் லியோ திரைப்படத்தை முழுக்க முழுக்க தன் பாணியிலேயே உருவாக்கி வருவதால் இப்படத்திற்கு கூடுதல் எதிர்பார்ப்பு இருந்து வருகின்றது. இந்நிலையில் தற்போது லியோ படத்தின் அடுத்தகட்ட படப்பிடிப்பு சென்னையில் விறுவிறுப்பாக நடைபெற்று வருகின்றது. இதைத்தொடர்ந்து மே மாதம் இறுதிக்குள் மொத்த படப்பிடிப்பையும் முடித்துவிட்டு அக்டோபர் மாதம் லியோ திரைப்படத்தை வெளியிட படக்குழு திட்டமிட்டுள்ளது
விறுவிறுப்புலியோ திரைப்படத்தின் முதல்கட்ட படப்பிடிப்பு காஷ்மீரில் விறுவிறுப்பாக நடத்தி முடிக்கப்பட்ட நிலையில் அடுத்தகட்ட படப்பிடிப்புகள் சென்னையில் மிகப்பெரிய செட் அமைத்து நடத்தப்பட்டு வருகின்றது. முதல்கட்ட படப்பிடிப்பில் கலந்துகொள்ளாமல் இருந்த அர்ஜுன் மற்றும் மன்சூர் அலி கான் தற்போது நடைபெறும் அடுத்தகட்ட படப்பிடிப்பில் கலந்துகொண்டு வருகின்றனர். மேலும் தற்போது இப்படத்தின் கிளைமாக்ஸ் காட்சிகள் ஏர்போர்ட் செட் அமைத்து அங்கெ படமாக்கப்பட்டு வருகின்றது. மேலும் படத்தில் இடம்பெறும் முக்கியமான சண்டை காட்சிகளையும் தற்போது லோகேஷ் கனகராஜ் படமாக்கி வருகின்றார். விரைவில் மொத்த படப்பிடிப்பும் முடிவடைய இருக்கின்றது
ட்விஸ்ட்இந்நிலையில் லியோ படத்தின் கதையை பற்றி அவ்வப்போது இணையத்தில் கசிந்த வண்ணம் இருக்கின்றன. ஆனால் இதெல்லாம் உண்மையா இல்லையா என்பது படம் வந்த பின்னர் தான் தெரியவரும் என்றாலும் இந்த தகவல்கள் ரசிகர்களை எதிர்பார்ப்பில் ஆழ்த்தி வருகின்றது. அந்த வகையில் லியோ திரைப்படத்தில் சஞ்சய் தத் கொடூரமான வில்லனாக நடிப்பார் என எதிர்பார்த்த நிலையில் தற்போது விஜய்க்கு அப்பாவாக சஞ்சய் தத் நடிப்பதாக தகவல்கள் வருகின்றன. மேலும் இதுமட்டுமல்லாமல் படத்தில் எதிர்பாராத திருப்பங்கள் நிறைய இருப்பதாகவும் செய்திகள் வந்த வண்ணம் இருக்கின்றன.
லியோவுடன் மோதும் நடிகர்இந்நிலையில் விஜய்யின் லியோ திரைப்படத்திற்கு இருக்கும் எதிர்பார்ப்பில் அப்படம் கண்டிப்பாக சோலோவாக தான் வெளியாகும் என எதிர்பார்க்கப்பட்டது. ஆயுத பூஜை விடுமுறை தினங்களை குறிவைத்து லியோ திரைப்படம் அக்டோபர் மாதம் வெளியாக இருப்பதாக அதிகாரபூர்வமாக அறிவிக்கப்பட்டது. எனவே ஒரு சில படங்கள் லியோ திரைப்படம் வெளியாவதால் தங்கள் படங்களின் வெளியீட்டை தள்ளிவைத்தனர். ஆனால் கார்த்தி நடித்து வரும் ஜப்பான் திரைப்படம் லியோவுடன் மோதவுள்ளதாக தகவல் வந்துள்ளது. ராஜு முருகன் இயக்கத்தில் கார்த்தி நடிக்கும் ஜப்பான் திரைப்படம் தீபவளிக்கு வெளியாவதாக இருந்த நிலையில் தற்போது அக்டோபர் மாதம் லியோவுடன் வெளியாவதாக தகவல்கள் வந்துள்ளன. இந்நிலையில் காவலன் – சிறுத்தை, பிகில்-கைதி ஆகிய படங்களை தொடர்ந்து தற்போது மீண்டும் விஜய் மற்றும் கார்த்தி படங்கள் ஒரே சமயத்தில் வெளியாக இருப்பது குறிப்பிடத்தக்கது