இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
பிரபல நடிகர் சரத்பாபுவுக்கு கடந்த மார்ச் மாதம் உடல் நலக்குறைவு ஏற்பட்டது. இதையடுத்து சென்னையில் இருக்கும் மருத்துவமனையில் அனுமதிக்கப்பட்டார். அவருக்கு மருத்துவர்கள் தீவிர சிகிச்சை அளித்து வந்தார்கள். அதன் பிறகு கடந்த ஏப்ரல் மாதம் 20ம் தேதி ஹைதராபாத்தில் இருக்கும் தனியார் மருத்துவமனைக்கு மாற்றப்பட்டார்.
என்னோடு Best Friend ஜி.வி
அங்கு அவரின் உடல்நலம் மோசமடைந்துவிட்டது. இந்நிலையில் அவர் இன்று சிகிச்சை பலனின்றி உயிரிழந்தார். அவருக்கு வயது 71. சரத் பாபுவின் மரண செய்தி அறிந்த திரையுலகினரும், ரசிகர்களும் சமூக வலைதளங்களில் தங்களின் ஆழ்ந்த இரங்கலை தெரிவித்து வருகிறார்கள்.
இந்த மாதம் தமிழ் சினிமாவுக்கு மோசமான மாதம். மனோபாலா, விஜயலட்சுமி, செவ்வாழை ராசுவை அடுத்து தற்போது சரத்பாபு இறந்துவிட்டார். நான்கு திறமைசாலிகளை இழந்துவிட்டது திரையுலகம்.
அண்மைச் செய்திகளை உடனுக்குடன் படிக்க கூகுள் நியூஸில் தமிழ் சமயம் இணையதளத்தை பின் தொடரவும்
முன்னதாக சரத்பாபு இறந்துவிட்டதாக மே 3ம் தேதி மாலை தகவல் வெளியானது. மனோபாலா இறந்த அன்றே இன்னொரு உயிரும் போய்விட்டதே என ரசிகர்கள் வேதனைப்பட்டார்கள். அதன் பிறகே அது வெறும் வதந்தி என்று தெரிய வந்தது.
சரத்பாபு உயிருடன் இருப்பதாகவும், விரைவில் வீடு திரும்புவார் என்றும் அவரின் சகோதரி அப்பொழுது தெரிவித்தார். ஆனால் அவர் வீடு திரும்பாமல் போனது திரையுலகினரை கவலை அடைய செய்திருக்கிறது.
1951ம் ஆண்டு சத்யம் பாபு தீக்ஷதுலுவாக பிறந்தார். 1973ம் ஆண்டு வெளியான ராம ராஜ்யம் தெலுங்கு படம் மூலம் நடிகர் ஆனார். கே. பாலசந்தரின் பட்டினப் பிரவேசம் படம் மூலம் தமிழ் திரையுலகில் அறிமுகமானார். முதல் தமிழ் படம் மூலமே கோலிவுட்டில் பெரிய ஆளாக ஆனார்.
கமல் ஹாசன், சூப்பர் ஸ்டார் ரஜினிகாந்த், என்.டி.ராமா ராவ், சிரஞ்சீவி உள்ளிட்ட பல முன்னணி நடிகர்களுடன் சேர்ந்து நடித்திருக்கிறார். ரஜினிகாந்தின் அண்ணாமலை படத்தில் அவரின் உயிர் நண்பனாக நடித்திருந்தார். முத்து, வேலைக்காரன் ஆகிய படங்களில் ரஜினியின் முதலாளியாக நடித்திருந்தார்.
நீங்கள் மறைந்தாலும் அண்ணாமலை மூலம் என்றும் எங்கள் மனதில் என்றும் இருப்பீர்கள் சரத்பாபு சார் என ரஜினி ரசிகர்கள் தெரிவித்துள்ளனர்.