தமிழ், தெலுங்கு மொழிகளில் ஏராளமான படங்களில் குணச்சித்திர கதாபாத்திரங்களில் நடித்து பிரபலமானவர் நடிகர் சரத்பாபு. ரஜினியுடன் இணைந்து பல படங்களில் நடித்துள்ளார். மேலும் தற்போது சின்னத்திரை தொடர்களில் நடித்து வந்தார். இந்நிலையில் நடிகர் சரத்பாபு தற்போது உடல்நலக்குறைவு காரணமாக உயிரிழந்துள்ள சம்பவம் திரையுலகினர் மத்தியில் சோகத்தை ஏற்படுத்தியுள்ளது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ், தெலுங்கு மொழிகள் மட்டுமில்லாமல் கன்னடம், மலையாளம், இந்தி உள்ளிட்ட பல மொழிகளில் ஏறக்குறைய சுமார் 200 படங்களுக்கு மேல் பணியாற்றியுள்ளார் சரத்பாபு. ரஜினியுடன் இணைந்து முள்ளும் மலரும், முத்து, அண்ணாமலை உள்ளிட்ட படங்களில் நடித்துள்ளார். இந்தப்படங்கள் அனைத்தும் ரசிகர்கள் மத்தியில் நல்ல வரவேற்பை பெற்றவை.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
சரத்பாபு கடைசியாக பாபி சிம்ஹா நடிப்பில் வெளியாகியிருந்த ‘வசந்த முல்லை’ படத்தில் நடித்திருந்தார். இந்நிலையில் கடந்த சில மாதங்களாக உடல் நலக்குறைவு காரணமாக பாதிக்கப்பட்டிருந்த சரத்பாபு, ஐதராபாத்தில் உள்ள தனியார் மருத்துவமனையில் அனுமதிக்கப்பட்டு தீவிர சிகிச்சை பெற்று வந்தார். சிறுநீரகம், கல்லீரல் போன்ற உறுப்புகள் பாதிக்கப்பட்டு கடந்த சில வாரங்களாக அவரது உடல்நிலை கவலைக்கிடமாக இருந்தது.
‘தளபதி 68’ படத்தில் விஜய்யுடன் மோத போவது யார் தெரியுமா.?: கேட்டா மெர்சல் ஆகிடுவீங்க.!
இந்நிலையில் இன்று சிகிச்சை பலனின்றி சரத்பாபு உயிரிழந்துள்ளர். 72 வயதான சரத்பாபுவின் மரணம் திரையுலகினர் மத்தியில் கடும் சோகத்தை ஏற்படுத்தியுள்ளது. அவரின் மறைவிற்கு திரையுலகை சார்ந்த பலரும் இரங்கல் தெரிவித்து வருகின்றனர்.
Actress Suchandra Dasgupta: சாலை விபத்தில் இளம் நடிகை மரணம்: அதிர்ச்சியில் திரையுலகினர்.!
அந்த வகையில் சரத்பாபுவின் மரணம் தொடர்பாக நடிகர்
கமல்ஹாசன்
தனது ட்விட்டர் பக்கத்தில், சிறந்த நடிகரும் அருமை நண்பருமான சரத்பாபு மறைந்துவிட்டார். அவருடன் இணைந்து நடித்த நாட்கள் என் மனதில் நிழலாடுகின்றன. தமிழில் என் குருநாதரால் அறிமுகப்படுத்தப்பட்டவர். காலத்தால் அழியாத பல பாத்திரங்களை ஏற்று சிறப்பு செய்தவர். ஒரு நல்ல நடிகரை சினிமா இழந்திருக்கிறது. அவருக்கு என் அஞ்சலி என உருக்கமாக பதிவிட்டுள்ளார்.