ரஜினிகாந்த், பாலகிருஷ்ணா, சிவராஜ் குமார் இணையும் அதிரடி கூட்டணி
நடிகர் ரஜினிகாந்த் , தெலுங்கு நடிகர் பாலகிருஷ்ணா, கன்னட நடிகர் சிவராஜ் குமார் இவர்கள் மூவரும் தவிர்க்க முடியாத இந்திய சினிமாவின் உச்ச நட்சத்திரங்களாக வலம் வருகின்றனர். தற்போது இவர்கள் மூவரும் இணைந்து ஒரு படம் நடிக்கவுள்ளதாக தகவல் பரவி வருகிறது. அந்த தகவல்களின் படி, ஒரு புகழ்பெற்ற கன்னட இயக்குனர் இயக்கத்தில் இவர்கள் இணைந்து நடிப்பதாக கூறப்படுகிறது.
இரண்டு பாகங்களாக உருவாகும் இந்த படத்தின் முதல் பாகத்தில் முதன்மை கதாபாத்திரமாக சிவராஜ் குமார் நடிக்கிறார். சிறிது நேரம் மட்டும் பாலகிருஷ்ணா நடிப்பார் என்கிறார்கள். இந்த படத்தின் இரண்டாம் பாகத்தில் ரஜினிகாந்த் மற்றும் பாலகிருஷ்ணா இருவரும் இணைந்து நடிக்கின்றனர் என்று தகவல்கள் வெளியாகியுள்ளது. சமூக வலைதளங்களில் இந்த செய்தி வைரலாகி வருகிறது. விரைவில் இது குறித்து அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.