விஜய் போல் நடனமாடி அசத்திய ராகவேந்திரன் புலி!
கனா காணும் காலங்கள் தொடரில் அறிமுகமான ராகவேந்திரன் புலி, தொடர்ந்து சில சீரியல்களில் நடித்திருந்தார். திரைத்துறையில் சாதிக்கும் வெறியோடு ஷார்ட் பிலிம், ஸ்கிரிப்ட் ரைட்டிங் என பல முயற்சிகளை எடுத்து வருகிறார். மேலும் ஜிம்மில் வொர்க் அவுட், நடன பயிற்சியுடன் தன்னை முழுவீச்சில் மெருகேற்றி வருகிறார். அந்த வகையில் திருமலை படத்தில் விஜய் லாரன்ஸ் மாஸ்டருடன் போட்டி போட்டு நடனமாடி சூப்பர் ஹிட் அடித்த 'தாம் தக்க தீம் தக்க' பாடலுக்கு, அது போலவே தன் நண்பருடன் சேர்ந்து வெறித்தனமாக நடனமாடி வீடியோ வெளியிட்டுள்ளார்.
ஏற்கனவே, கனா காணும் காலங்கள் ரீயூனியன் நிகழ்ச்சியில் பாட்டு பாடி ரசிகர்களை வியப்பில் ஆழ்த்தினார். தற்போது நடனத்திலும் தனது திறமையை காட்ட, ராகவேந்திரனுக்குள் இவ்வளவு திறமையா என பலரும் வியந்து பாராட்டி வருகின்றனர். விஜய்யுடன் அடுத்த படத்தில் கமிட்டானதற்காக வெங்கட் பிரபுவுக்கு வாழ்த்து சொல்லும் வகையில் ராகவேந்திரன் புலி இந்த வீடியோவை வெளியிட்டுள்ளார்.