29 வயது இளம் நடிகை லாரி மோதி உயிரிழந்த சம்பவம் அதிர்ச்சியை ஏற்படுத்தியுள்ளது.
பெங்காலி சீரியல்களில் நடித்து வந்த சுசந்திரா தாஸ்குப்தா (29) என்ற நடிகை மாடலிங்கும் செய்து வந்தார். இவர் பெங்காலி சீரியல்களில் நடித்து பிரபலமானதை அடுத்து, பெங்காலி திரைப்படங்களிலும் நடித்தார்.
இவர், 3 நாட்களுக்கு முன்பு இரவு நேரத்தில் ஷூட்டிங் முடித்து விட்டு வீட்டுக்கு செல்ல இரு சக்கர வாகனம் ஒன்றை புக் செய்து அதில் பயணம் செய்தார். இரு சக்கர வாகனம் கொல்கத்தாவின் பராநகர் கோஷ்பாரா பகுதியில் சென்று கொண்டிருந்தது.
அப்போது அவர்களுக்கு பின்னே வந்த மற்றொரு இரு சக்கர வாகனம் அவர்களது வாகனம் மீது மோதியது. இதில் நிலைத்தடுமாறிய சுசந்திரா தவறி கீழே விழ, அந்த சமயத்தில் எதிரே வந்த லாரி அவர் மீது ஏறியது.
இந்த கோர விபத்தில் நடிகை சுசந்திரா சம்பவ இடத்திலேயே பரிதாபமாக பலியானார். இதையடுத்து காவல்துறைக்கு தகவல் தெரிவிக்கப்பட்டது. அங்குவந்த போலீஸார் உடலை மீட்டு உடற்கூராய்வுக்கு அனுப்பிவைத்தனர்.
மேலும் இதுகுறித்து வழக்குப்பதிவு செய்து விசாரணை மேற்கொண்டு வருகின்றனர். இந்த சம்பவம் பெரும் அதிர்ச்சியையும் சோகத்தையும் ஏற்படுத்தியுள்ளது.
newstm.in