நடிகர் சரத்பாபு நேற்று முன்தினம் காலமானார். உடல்நலக்குறைவால் சிகிச்சை பெற்று வந்த அவரின் மரணம் திரைத்துறையினர் மற்றும் ரசிகர்கள் மத்தியில் கடும் அதிர்ச்சியையும், சோகத்தையும் ஏற்படுத்தியுள்ளது. இந்நிலையில் நேற்று மாலை சரத்பாபுவுக்கு இறுதி சடங்கு செய்யப்பட்டது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
தமிழ், தெலுங்கு உள்ளிட்ட பல மொழிகளில் 200 க்கும் மேற்பட்ட படங்களில் குணச்சித்திர கதாபாத்திரங்களில் நடித்து பிரபலமானவர் நடிகர் சரத்பாபு. ரஜினியுடன் இணைந்து முள்ளும் மலரும், முத்து, அண்ணாமலை மற்றும் கமலுடன் இணைந்து சலங்கை ஒலி உள்ளிட்ட படங்களில் நடித்துள்ளார். இந்தப்படங்கள் அனைத்தும் ரசிகர்கள் மத்தியில் நல்ல வரவேற்பை பெற்றவை.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் கடந்த சில மாதங்களாக உடல்நலக்குறைவு காரணமாக பாதிக்கப்பட்டிருந்த சரத்பாபு ஐதராபாத்தில் உள்ள தனியார் மருத்துவமனையில் அனுமதிக்கப்பட்டு தீவிர சிகிச்சை பெற்று வந்தார். அவருக்கு சிறுநீரகம், கல்லீரல் போன்ற உறுப்புகள் பாதிக்கப்பட்டிருந்தது. இதனால் கடந்த சில வாரங்களாக அவரின் உடல்நிலை கவலைக்கிடமாக இருந்தது.
இந்நிலையில் 72 வயதான சரத்பாபு நேற்று முன்தினம் சிகிச்சை பலனின்றி காலமானார். இதனையடுத்து நேற்றைய தினம் அவரது உடல் இறுதி அஞ்சலிக்காக சென்னையில் உள்ள வீட்டில் வைக்கப்பட்டது. ரஜினி, சூர்யா, கார்த்தி உள்ளிட்ட திரையுலக பிரபலங்கள் அவரின் உடலுக்கு அஞ்சலி செலுத்தினர். ஆனால் கமல் அவருக்கு அஞ்சலி செலுத்த வரவில்லை.
Aayirathil Oruvan 2: போடு வெடிய.. ‘ஆயிரத்தில் ஒருவன் 2’ அப்டேட் வந்தாச்சு: எகிறும் எதிர்பார்ப்பு.!
இதுக்குறித்து செய்தியாளர்களிடம் பேசிய சுஹாசினி, கமல் ‘இந்தியன் 2’ படப்பிடிப்பின் முக்கிய காட்சிக்காக மேக்கப் போட்டுள்ளார். இதனால் அவரால் வெளியில் வர முடியவில்லை. ஆனாலும் அதே நேரத்தில் தொலைப்பேசி வாயிலாக சரத்பாபுவின் குடும்பத்தினரிடம் பேசினார். மேலும் சரத்பாபுவின் இறுதி சடங்கை கமல் உடன் இருப்பவர்கள் தான் கவனித்து வருகின்றனர் என விளக்கம் அளித்துள்ளார்.
Sarath Babu: ஈடுகட்ட முடியாத இழப்பு.. நெருங்கிய நண்பரின் மறைவால் கலங்கிப்போன ரஜினி.!
முன்னதாக சரத்பாபுவின் மறைவு தொடர்பாக தனது ட்விட்டர் பக்கத்தில் இரங்கல் தெரிவித்த கமல், சிறந்த நடிகரும் அருமை நண்பருமான சரத்பாபு மறைந்துவிட்டார். அவருடன் இணைந்து நடித்த நாட்கள் என் மனதில் நிழலாடுகிறது. தமிழில் என் குருநாதரால் அறிமுகப்படுத்தப்பட்டவர். காலத்தால் அழியாத பல கதாபாத்திரங்களை ஏற்று சிறப்பு செய்தவர். ஒரு நல்ல நடிகரை சினிமா இழந்திருக்கிறது. அவருக்கு என் அஞ்சலி என உருக்கமாக பதிவிட்டிருந்தார்.
விஜய் மாறவே இல்லை.. எங்க போனாலும் கேட்குறாங்க: மிஷ்கின் கொடுத்த ‘லியோ’ அப்டேட்.!