விக்ரம் நடிப்பில் மிகப்பெரிய எதிர்பார்ப்பிற்கு மத்தியில் ‘தங்கலான்’ படம் உருவாகி வருகிறது. பா. ரஞ்சித் இயக்கத்தில் உருவாகும் இதன் படப்பிடிப்பு விறுவிறுப்பாக நடந்தது வந்தது. அப்போது ஏற்பட்ட விபத்தில் விக்ரமுக்கு காயம் ஏற்பட்டதால் தற்போது ஓய்வில் இருக்கிறார். இதனிடையில் விக்ரம் நடிப்பில் நீண்ட காலமாக தயாரிப்பில் இருக்கும் ‘துருவ நட்சத்திரம்’ படத்தை ரிலீஸ் செய்வதற்கான பணிகள் தற்போது மும்முரமாக நடந்து வருகிறது.
இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
விக்ரம் நடிப்பில் அண்மையில் ‘பொன்னியின் செல்வன்’ இரண்டாம் பாகம் ரிலீசாகியிருந்தது. மணிரத்னம் இயக்கத்தில் மல்டி ஸ்டார் படமாக வெளியான இந்தப்படத்தில் வந்தியத்தேவனாக விக்ரம் நடித்திருந்தார். இவருடன் ஜெயம் ரவி, கார்த்தி, ஐஸ்வர்யா ராய், திரிஷா உள்ளிட்டோர் நடித்திருந்தனர். முதல் பாகத்திற்கு கிடைத்த அளவிற்கு இரண்டாம் பாகத்திற்கு பெரியளவில் வரவேற்பு கிடைக்கவில்லை.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இதனிடையில் தற்போது ‘தங்கலான்’ படத்தில் நடித்து வருகிறார் விக்ரம். ஸ்டுடியோ கிரீன் நிறுவனம் சார்பாக ஞானவேல் ராஜா தயாரிப்பில் பிரம்மாண்டமாக இந்தப்படம் உருவாகி வருகிறது. பா. ரஞ்சித் இயக்கத்தில் உருவாகி வரும் ‘தங்கலான்’ படத்தை ரசிகர்கள் பெரிதும் எதிர்பார்த்து காத்திருக்கின்றனர். கேஜிஎப் பற்றிய உண்மையான வரலாற்றை சொல்லும் விதமாக 3டி தொழில்நுட்பத்துடன் இந்தப்படம் உருவாகி வருகிறது.
இந்நிலையில் நீண்ட காலமாக ரிலீஸ் தள்ளிப்போய் கொண்டிருக்கும் ‘துருவ நட்சத்திரம்’ படத்தை வெளியீடுவதற்கான பணிகள் தற்போது விறுவிறுப்பாக நடந்து வருகிறது. கெளதம் மேனன், விக்ரம் கூட்டணியில் உருவாகியுள்ள இந்தப்படத்தின் டிரெய்லர் கடந்த பல வருடங்களுக்கு முன்பாகவே வெளியாகியிருந்தது.
Ashish Vidyarthi: 60 வயதில் ‘கில்லி’ பட நடிகருக்கு நடந்து முடிந்த திருமணம்: வைரலாகும் போட்டோஸ்.!
இந்தப்படத்தின் ஸ்டைலிஷான டிரெய்லர் ரசிகர்கள் மத்தியில் மிகுந்த எதிர்பார்ப்பை கிளப்பியது. இந்நிலையில் ‘துருவ நட்சத்திரம்’ படம் பைனான்ஸ் பிரச்சனை காரணமாக ரிலீஸ் செய்யப்படாமல் இருந்தது. தற்போது இந்தப்படம் தொடர்பான அனைத்து பிரச்சனைகளும் பேசி தீர்க்கப்பட்டு தற்போது ரிலீஸ் செய்வதற்கான பணிகள் மும்முரமாக நடந்து வருகிறது.
இந்நிலையில் ஜுலை 14 ஆம் தேதி ‘துருவ நட்சத்திரம்’ படம் ரிலீஸ் செய்யப்படவுள்ளதாக தகவல்கள் வெளியாகியுள்ளன. இதுக்குறித்த அதிகாரப்பூர்வ அறிவிப்பு விரைவில் வெளியாகும் எனவும் எதிர்பார்க்கப்படுகிறது. சிவகார்த்திகேயனின் ‘மாவீரன்’ படமும் ஜுலை 14 ஆம் தேதி ரிலீஸ் செய்யப்படவுள்ளது. ‘துருவ நட்சத்திரம்’ படத்தில் விக்ரமுடன் ரித்து வர்மா, ஐஸ்வர்யா ராஜேஷ், சிம்ரன், ராதிகா சரத்குமார், பார்த்திபன், திவ்யதர்ஷினி வம்சி கிருஷ்ணா உள்ளிட்டோர் நடித்துள்ளது குறிப்பிடத்தக்கது.
Leo: பான் இந்தியா வேண்டாம்ப்பான்னு சொன்ன தளபதி: சம்மதிக்க வைத்த லோகேஷ்.!