இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
சர்ப்ரைஸ்விஜய் தற்போது லியோ படத்தில் நடித்து வரும் நிலையில் அவரின் அடுத்த படத்தைப்பற்றிய அதிகாரப்பூர்வ அறிவிப்பு வெளியானது. விஜய்யின் 68 ஆவது திரைப்படத்தை AGS நிறுவனம் தயாரிக்க வெங்கட் பிரபு அப்படத்தை இயக்கவுள்ளார். இந்த செய்தி தான் ரசிகர்களுக்கு மிகப்பெரிய சர்ப்ரைஸாக இருக்கின்றது. ஏனென்றால் தளபதி 68 திரைப்படத்தை தெலுங்கு இயக்குனர் கோபிசந்த் இயக்குவதாக சில மாதங்களுக்கு முன்பு கூறப்பட்டது. இதையடுத்து கோபிசந்த் இல்லை அட்லீ தான் தளபதி 68 படத்தை இயக்கவுள்ளார் என செய்திகள் வந்தன. இந்நிலையில் யாரும் எதிர்பார்க்காத வகையில் தளபதி 68 படத்தை வெங்கட் பிரபு இயக்கவுள்ளது ரசிகர்களுக்கு இன்ப அதிர்ச்சியாக இருக்கின்றது
ஷூட்டிங் எப்போ ?விஜய் தற்போது லியோ படத்தில் நடித்து வருகின்றார். இப்படத்தின் படப்பிடிப்பு ஜூன் மாதம் வரை நடைபெற இருக்கின்றது. எனவே லியோ படத்தின் படப்பிடிப்பை முடித்த கையோடு விஜய் தளபதி 68 படத்தில் இணைவார் என எதிர்பார்க்கப்படுகின்றது. அநேகமாக தளபதி 68 படத்தின் பூஜை விஜய்யின் பிறந்தநாளான ஜூன் 22 ஆம் தேதி துவங்கும் என பேசப்பட்டு வருகின்றது. இதைத்தொடர்ந்து ஜூலை மாதம் தளபதி 68 படத்தின் படப்பிடிப்பு துவங்கப்பட்டு அடுத்தாண்டு ஏப்ரல் மாதம் இபபடத்தை திரையில் கொண்டுவர படக்குழு திட்டமிட்டுள்ளது. இந்நிலையில் தற்போது வெங்கட் பிரபு முழு கதையையும் ரெடி செய்து வருகின்றார். விரைவில் விஜய்யை சந்தித்து முழு கதையையும் கூறவுள்ளார் வெங்கட் பிரபு என்பது குறிப்பிடத்தக்கது
ஜானர்விஜய் வெங்கட் பிரபுவின் இயக்கத்தில் வெளியான மாநாடு படத்தை பார்த்து மிகவும் இம்ப்ரஸ்ஸானதாக கூறப்படுகின்றது. எனவே மாநாடு படத்தை போல வித்யாசமான கமர்ஷியல் படத்தில் வெங்கட் பிரபுவின் இயக்கத்தில் நடிக்க ஆசைப்பட்டுள்ளார் விஜய். அதற்கு ஏற்றாற்போல வித்யாசமான ஒரு கதைக்களத்தை உடைய ஒரு கதையை விஜய்யிடம் கூறி அவரை இம்ப்ரஸ் செய்துள்ளார் வெங்கட் பிரபு. இந்நிலையில் விஜய் மற்றும் வெங்கட் பிரபு கூட்டணியில் உருவாகும் தளபதி 68 திரைப்படம் வித்யாசமான ஜானரில் இருக்கும் என்றும், அதே சமயத்தில் கமர்ஷியல் படமாகவும் இருக்கும் என்றும் எதிர்பார்க்கப்படுகின்றது. சமீபத்தில் வெளியான தளபதி 68 படத்தின் அறிவிப்பு வீடியோவே ரசிகர்கள் மத்தியில் எதிர்பார்ப்பை ஏற்படுத்தியுள்ளது குறிப்பிடத்தக்கது
ஆசையை நிறைவேற்றிய வெங்கட் பிரபுதளபதி 68 படத்தின் மூலம் விஜய்யின் பலநாள் ஆசையை வெங்கட் பிரபு நிறைவேற்றியுள்ளார். அதாவது சமீபகாலமாக விஜய்யின் படங்களுக்கு அனிருத் தான் இசையமைத்து வருகின்றார். எனவே என்னதான் வெங்கட் பிரபுவின் ஆஸ்தான இசையமைப்பாளர் யுவன் ஷங்கர் ராஜா தான் என்றாலும் தளபதி 68 படத்திற்கு அனிருத் தான் இசையமைப்பார் என எதிர்பார்க்கப்பட்டது. ஆனால் ரசிகர்களின் கணிப்பை பொய்யாக்கும் வகையில் தளபதி 68 படத்திற்கு யுவன் தான் இசையமைப்பாளர் என அறிவிப்பு வெளியானது. இந்நிலையில் புதிய கீதை படத்திற்கு பிறகு விஜய்யின் படத்திற்கு யுவன் இசையமைக்கவுள்ளார். இதையடுத்து விஜய்க்கு கடந்த பல ஆண்டுகளாக யுவனின் இசையில் ஒரு படம் பண்ணவேண்டும் என ஆசை இருந்ததாம். ஆனால் அந்த வாய்ப்பு அமையவில்லையாம். எனவே தான் வெங்கட் பிரபு இயக்கத்தில் உருவாகும் தளபதி 68 படத்திற்கு யுவன் இசையமைப்பாளர் என்றவுடன் எந்த வித மறுப்பும் இன்றி ஓகே செய்துள்ளார் விஜய் என்பது குறிப்பிடத்தக்கது