அதிமுகவின் பொதுச் செயலாளராக இருக்கும் எடப்பாடி பழனிசாமிக்கு புதிய நெருக்கடி உருவாகியிருக்கிறது. தனது கட்சிக்குள் அல்ல. தான் வகிக்கும் எம்.எல்.ஏ பதவிக்கு. தேர்தல் ஆணையத்திடம் இரண்டு விவரங்களை தவறாக கொடுத்ததாக புகார் முன்வைக்கப்பட்டுள்ளது. ஒன்று, சொத்து விவரங்களை தவறுதலாக குறிப்பிட்டிருந்தார். இரண்டாவது, படிப்பு தொடர்பான விவரங்கள் சரியாக இடம்பெறவில்லை.
எடப்பாடி செக் வச்ச தேனி
இதுதொடர்பாக சேலம் நீதிமன்றத்தில் தேனியை சேர்ந்த வழக்கறிஞர் மிலானி என்பவர் வழக்கு தொடர்ந்திருந்தார். இந்த வழக்கு சேலம் குற்றவியல் நடுவர் நீதிமன்ற நீதிபதி கலைவாணி முன்பு விசாரணைக்கு வந்தது. அப்போது, எடப்பாடிக்கு எதிரான வழக்கில் உண்மை இருக்கும்பட்சத்தில் வழக்குப்பதிவு செய்து உரிய விசாரணை மேற்கொள்ளலாம் என உத்தரவு பிறப்பிக்கப்பிட்டது.
பிரமாண பத்திரத்தில் தவறான தகவல்
இதையடுத்து சேலம் மத்திய குற்றப்பிரிவு போலீசார் களமிறங்கினர். சுமார் ஒருமாத காலமாக விவரம் சேகரிக்கும் பணிகள் நடைபெற்றன. எடப்பாடி பழனிசாமியின் வங்கி கணக்கு, அசையும் சொத்துகள், அசையா சொத்துகள், படிப்பு உள்ளிட்டவை தொடர்பான விவரங்களை சேகரித்தனர். இந்நிலையில் விசாரணை அறிக்கையை சேலம் நீதிமன்றத்தில் குற்றப்பிரிவு போலீசார் முழுமையாக தாக்கல் செய்திருந்தனர்.
விசாரணை அறிக்கை தாக்கல்
இதில் எடப்பாடி அளித்த விவரங்கள் சில தவறுதலாக இருக்கிறது என நீதிமன்ற வட்டாரங்கள் தெரிவிக்கின்றன. அடுத்தகட்டமாக எடப்பாடி பழனிசாமிக்கு சம்மன் அனுப்பி நேரில் வரவழைத்து விசாரணை நடத்தப்படலாம் எனக் கூறப்படுகிறது.
எம்.எல்.ஏ பதவிக்கு ஆபத்து
தவறான தகவல்களை தேர்தல் ஆணையத்தில் அளித்தது நிரூபிக்கப்பட்டு விட்டால் எடப்பாடியின் எம்.எல்.ஏ பதவி பறிக்கப்படும் என்கின்றனர் சட்ட நிபுணர்கள். கடந்த 2021 சட்டமன்ற தேர்தலின் போது
தாக்கல் செய்த பிரமாண பத்திரத்தில் இடம்பெற்ற முக்கியமான சில விஷயங்களை இங்கே காணலாம்.
சொத்து விவரங்கள்மதிப்பு (2021 மார்ச் நிலவரப்படி)எடப்பாடி பழனிசாமி மொத்த சொத்து மதிப்புரூ.47,64,542 (47.64 லட்சம்)எடப்பாடி மனைவி ராதா சொத்து மதிப்புரூ.1,04,11,631 (1.04 கோடி)எடப்பாடியின் கூட்டுக் குடும்ப சொத்து மதிப்புரூ.50,21,096 (50.21 லட்சம்)எடப்பாடி வசமிருக்கும் தங்க நகைகள் (100 கிராம்)ரூ.4,20,000 (4.2 லட்சம்)எடப்பாடி மனைவி ராதாவிடம் இருக்கும் தங்க நகைகள் (720 கிராம்)ரூ.30,24,000 (30.24 லட்சம்)எடப்பாடியின் வங்கி கணக்குகள்இந்தியன் ஓவர்சீஸ் வங்கி, சென்னை தலைமை செயலக கிளை & கனரா வங்கி, சூரமங்கலம் கிளை & நெடுங்குளம் தொடக்க வேளாண்மை கூட்டுறவு கடன் சங்கம் லிட்எடப்பாடியின் அசையா சொத்துகள்ஏதுமில்லைஎடப்பாடி மனைவி ராதாவின் அசையா சொத்து மதிப்புரூ.1,78,00,000 (1.78 கோடி)எடப்பாடியின் கூட்டுக் குடும்ப அசையா சொத்து மதிப்புரூ.2,90,40,000 (2.90 கோடி)எடப்பாடி வைத்துள்ள கடன் தொகைரூ.15,00,000 (15 லட்சம்)எடப்பாடி மனைவி ராதா பெயரில் கடன்ரூ.14,75,453 (14.75 லட்சம்)எடப்பாடி மீது நிலுவையில் உள்ள குற்றவியல் வழக்குகள்ஏதுமில்லைஎடப்பாடியின் படிப்புபி.எஸ்சி, ஸ்ரீவாசவி கல்லூரி, ஈரோடு, 1976ஆம் ஆண்டு (தேர்ச்சி பெறவில்லை)