சென்னை, டெல்லி, மும்பை போன்ற நகரங்களில் உள்ள புறநகர் ரயில் நிலையங்கள் காலையிலும், மாலையிலும் பிசியாக காணப்படும். குறிப்பாக மும்பை ரயில் நிலையத்திற்குள் காலை நேரத்தில் மற்றவர்களை உரசாமல் நுழையவே முடியாது. ரயிலுக்காக காத்திருக்கும் கூட்டத்தை சற்று தள்ளி நின்று பார்த்தால் தேனீக்களை போலதான் இருக்கும்.
அந்த வகையில் சமூக வலைத்தளங்களில் ஒரு வீடியோ வைரலாகி வருகிறது. மும்பை ரயில் நிலையத்தில் புறநகர் ரயிலுக்காக காத்திருக்கும் பெண்களையும், வரும் ரயிலில் பெண்கள் கூட்டம் நிரம்பி வழிவதையும் பார்க்கவே மூச்சு முட்டுகிறது. ரயிலுக்கும், பிளாட்பாரத்திற்கும் இடையே இருக்கும் இடைவெளிகூட தெரியாத அளவுக்கு பெண்கள் கூட்டம் அலைமோதுகிறது.
ரயில் வந்து நின்றதும் யார் இறங்குகிறார்கள், யார் ஏறுகிறார்கள் என்பதை கவனிப்பதற்குள் ரயில் புறப்பட்டு செல்கிறது. இந்த வீடியோவை பார்க்கும் நெட்டிசன்கள், மும்பை ரயில் நிலையம் இப்படித்தான் இருக்கும். வார நாட்களில் பீக் அவர்சில் ஆயிரக்கணக்கான பயணிகள் புறநகர் ரயிலுக்காக காத்திருப்பார்கள். அந்த நேரத்தில் ரயிலில் நிற்பதற்கு இடம் கிடைத்தாலே போதும். ரயில் வந்து நின்னதும் தள்ளி நின்று அவர்களை கவனித்தால் மும்பை வாசிகளின் பரபரப்பை உணர முடியும் என்கின்றனர்.
மும்பையில் இப்படியென்றால் டெல்லி மெட்ரோ காதலர்களின் ரொமான்ஸ் கூடாரமாக மாறியுள்ளது. டெல்லி மெட்ரோவில் இளசுகள் செய்யும் சிலுமிஷ வீடியோக்கள் அவ்வப்போது வைரலாகி வருகிறது. பக்கத்தில் பயணிகள் நிற்பதை கண்டுக்காமல் முத்த மழை பொழிவது, ஆபாச செய்கைகளில் ஈடுபடுவது என இளசுகள் அத்துமீறி வருகின்றனர். அண்மையில் ஒரு பெண் அரை நிர்வாணமாக மெட்ரோவில் பயணித்தது கூட சர்ச்சையானது.